Hec est conuentio facta inter dominum Willelmum de Bello Campo ex una parte et dominam Felitiam quondam uxorem Rogeri de Lench ex altera uidelicet quod predicta Felitia in propria potestate et legitima uiduetate sua tradidit dimisit et concessit ac quietos clamauit domino Willelmo de Bello Campo et heredibus suis uel suis assignatis triginta solidos annui redditus in uilla de Lench Rand et uilla de Radesford percipiendos annuatim ad quatuor anni terminos a festo Purificationis beate Marie anno regni regis Henrici filii regis Iohannis tricesimo octavo usque ad terminum quatuor annorum proxime sequentium plenarie completum uidelicet de dimidia uirgata terre quam Rogerus Dispensator tenet in Lench per annum tres solidos de una uirgata terre quam Willelmus le Engleis et Ricardus de capella tenent duodecim denarios de una uirgata terre quam Ricardus page tenet sex solidos de una uirgata terre et dimidia quas Petrus filius Stephani tenet xxii denarios de dimidia uirgata terre quam Rogerus le messer tenet iii solidos de duabus acris terre cum mesuagio que Hugo le Norreis tenet duos solidos de sex acris terre quas Simon le dean tenet duos solidos et quatuor denarios de uno mesuagio quod Donce textor tenet viginti denarios de uno mesuagio quod Nicholaus Amtehell tenet xxii denarios de uno mesuagio quod Stephanus carpentarius tenet xx denarios de uno mesuagio quod Rogerus Scheld tenet xx denarios de duobus molendinis quatuor solidos ita quod si dicta molendina defecerint dictus dominus Willelmus uel heredes sui possint recuperare dictos quatuor solidos annuatim de terra quam Willelmus de capella tenet pro tribus solidis et terre quam Ricardus le Newecomene et Rogerus faber tenent pro duodecim denariis Dicta uero Felitia concesserit prefato domino Willelmo et heredibus suis uel suis assignatis totum seruitium dictorum hominum cum omnibus escetis wardis releuiis auxiliis [et] herietis que infra predictum terminum de predictis terris uel illorum tenentibus sibi possint accidere uel euenire Dicta uero Felitia tactis sacrosanctis concessit et se obligauit ac omnia bona sua mobilia et inmobilia domino Willelmo de Bello Campo et heredibus suis uel suis assignatis quod infra predictum terminum nullum legatum faciet uel facere poterit et si fecerit locum non habeat nec sui executores testamenti aliquid possint de rebus suis ordinare priusquam dicto domino Willelmo et heredibus suis uel suis assignatis ad ualentiam dicti redditus extunc per predictum terminum fuerit satisfactum de rebus et bonis dicte Felitie Termino uero quatuor annorum completo dicti triginta solidi redditus cum terris et tenementis dicte Felitie ad uitam suam possidendi reuertabunt sine contradictione uel impedimento dicti domini Willelmi uel heredum suorum Pro hac autem traditione dimissione concessione et quieta clamantia dedit predictus dominus Willelmus prefate Alitie quinque marcas sterlingorum premanibus et ut omnia predicta per predictum terminum rata consistant utraque pars alterius scripto in modum cirographi confecto sigillum suum apposuit Hiis testibus Hugone de Walecot Iohanne Dapetot Thoma de Newynton Ricardo le Norreis Rogero Roculf Ricardo page et aliis

Source Fulltext: Beauchamp Cartulary, 1100-1268. E. Mason. Pipe Roll Society, New Series V.43. Pipe Roll Society. J. W. Ruddock. Lincoln. 1980.