Hec est concordia facta apud Wygorn[] in octabis sancti Johannis Baptiste anno regni regis Henrici filii regis Johannis xxxviij coram magistro Willelmo de Kylkemy tunc domini regis cancellario Henrico de Battonia et Nicholao de Turry tunc domini regis justic[] inter dominum Thomam abbatem de Evesham ex parte una et dominum Willelmum de Bello Campo de Elmele ex altera inter quos cum controversia diutius habeatur et discordia super diversis libertatibus articulis predictos abbatem et Willelmum tangentibus predictorum magistri Willelmi cancellarii Henrici et Nicholai justic[] et aliorum amicorum communium supplicatione interveniente et concilio inter predictos abbatem et Willelmum omnimoda liscontentio et discordia conquievit sub hac forma videlicet quod abbas de Evesham quicumque pro tempore fuerit in propria persona sua in comitatu Wygorn[] predicto Willelmo et heredibus suis vicecomitibus vel eorum subvicecomitibus presentabit unum servientem qui in predicto comitatu jurabit et fidelitatem faciet domino regi et predicto Willelmo et heredibus suis ut vicecomitibus Qui quidem serviens juratus faciet et exequi debet omnia officia et precepta que ad servientem domini regis juratum pertinet infra hundredo predicti abbatis et monacorum de Evesham de Alakehurst et infra duo maneria eorundem scilicet Amuetona et Nortona diu sequenti predictus Willelmus et heredes sui vicecomites et eorum ballivi si eis per aliquem de predicto hundredo vel de predictis maneriis aliqua querela facta fuerit de averiis captis et retenimentis qua vadium et plegium unde placitum vetiti namii oriri poterit mandare debent quod ipse serviens averia illa deliberet et ipsum de quo querela facta fuerit secundum legem terre attachiet quod sit ad proximum comitatum Wigor[] inde responsurus Et si ita contigit quod predictus serviens predictum officium ad mandatum ipsius Willelmi et heredum suorum vice comitum vel eorundem subvicecomitum executus non fuerit ita quod a tempore talis negligentie ipsius servientis dicto servienti nullum demandabitur officium exequendum usque ad proximum comitatum predictus serviens de predicta transgressione secundum quantitatem dilicte sue negligentie predicto Willelmo et heredibus suis vicecomitibus emendam faciet per juditium predicti comitatus et si ipse serviens ad dictam emendam faciendam sufficiens non fuerit dictus abbas quicumque pro tempore fuerit faciet pro eo per juditium comitatus secundum quantitatem dilicti sicut predictum est Et si de predicto abbate quicumque pro tempore fuerit vel de aliquibus ballivis suis de quibuscumque rebus que infra predictum hundredum vel predicta maneria fuerint aliqua talis vel alia qualiscumque querimonia facta fuerit predicto Willelmo vel heredibus suis vicecomitibus vel eorum subvicecomitibus predictus Willelmus et heredes sui vicecomites vel eorum subvicecomites predicto servienti ipsius abbatis mandabunt quod ipse serviens diliberationem faciet et abbatem vel ballivum suum de quocumque querimonia facta fuerit de predictis attachiet secundum legem terre quod sit ad proximum comitatum inde responsurus Et si abbas vel ballivus ipsius abbatis quicumque eorum fuerit se attachiatus non promiserit vel dictus serviens hoc forte facere neglexerit idem serviens ipsius abbatis ab omni officio omnimodo suspendetur quousque inde predicto Willelmo vel heredibus suis vicecomitibus in predicto comitatu plene fuerit satisfactionem secundum quantitatem delicti per juditium predicti comitatus Dictus quidem serviens ipsius abbatis cum emenda facta fuerit sicut predictum est officio suo restituetur vel aliquis serviens a dicto abbate qui pro tempore fuerit presentabitur predicto Willelmo vel heredibus suis vicecomitibus qui ab eisdem admittetur juratus quotiens necesse fuerit per amovitionem vel decessum ipsius servientis Quem servientem dictus abbas amovere potest et alium loco suo presentare sicut predictum est Si vero infra predictum hundredum vel predicta maneria inventus fuerit aliquis homo interfectus vel aliquo alio casu mortuus vel aliquod alliud factum unde felonia possit suspicari hoc ad portam castri Wygorn[] per predictum servientem vel per aliquem alium ex parte dicti abbatis mandari debet predicto Willelmo et heredibus suis vicecomitibus vel eorum subvicecomitibus et tunc predictus Willelmus vel heredes sui vicecomites vel ballivi sui facient ibidem venire coronatori per quorum visum mortuus sepellietur et fiet inquisitio de morte illa per predictum Willelmum vel heredes suos vicecomites vel suos ballivos et coronatorem et per dictum servientem ipsius abbatis salva tamen generali inquisitione facienda per predictum Willelmum et heredes suos vicecomites vel eorum ballivos ad quorum mandatum ibidem serviens predicti abbatis ad diem quem ei predictus Willelmus vel heredes sui vicecomites vel eorum ballivi scire fecerint faciet venire infra predictum hundredum vel predicta maneria inquisitione qui[s] inquisitio fieri debet infra predictum hundredum vel predicta maneria per predictum Willelmum et heredes suos vicecomites vel eorum ballivos et per dictum servientem ipsius abbatis Et si per inquisitionem illam vel aliam quamcumque aliquis qui infra predictum hundredum vel predicta maneria fuerit de tali morte vel aliquo alio facto quocumque inventus fuerit suspectus propter quod fuerit capiendus per predictos Willelmum vel heredes suos vicecomites vel eorum ballivos talis capiendus debet et liberari debet infra predictum hundredum vel predicta maneria dicto servienti ipsius abbatis ducendum ad castrum Wygorn[] ibidem liberandum predicto Willelmo vel heredibus suis vicecomitibus vel eorum ballivis hoc intellecto quod talis esse non debet in custodia dicti servientis ipsius abbatis ulterius per unum diem et unam noctem nisi fuerit per voluntatem predicti Willelmi vel heredum suorum vicecomitum vel eorum ballivorum Et si forte predictum hundredum vel predicta maneria vel aliquis qui infra predictum hundredum vel predicta maneria fuerit in comitatu Wygorn[] in manum inciderit ob causa quacumque vicecomitem tangente dictus serviens ipsius abbatis huiusmodi amerciamenta et etiam promissiones in comitatu vel extra dicto Willelmo et heredibus suis factas vel eorum ballivis quascumque de casu ut vicecomes simul cum debitis si qua eisdem ut vicecomes infra predictum hundredum vel predicta maneria debeantur levare debet et ea habere faciet predicto Willelmo vel heredibus suis vicecomitibus vel eorum ballivis Et si dictus serviens hoc facere neglexerit predictus Willelmus vel heredes sui vicecomites per se vel alios ballivos suos hoc facient Et dictus serviens eiusdem abbatis ab officio suo suspensus in forma prescripta predicto Willelmo vel heredibus suis vicecomitibus de tota negligentia sua secundum quantitatem delicti per se vel per abbatem si ipse ad hoc insufficiens fuerit per juditium comitatus satisfaciet de amerciamentis vero domini regis vel debitis vel quibuscumque aliis rebus dominum regem tangentibus unde summonitio de Scaccario venerit ad predictum Willelmum vel heredes suos vicecomites de aliquibus que fuerint infra predictum hundredum vel predicta maneria Predictus Willelmus et heredes sui vicecomites extracta facient predicto servienti eiusdem abbatis et ipse serviens dicti abbatis talia amerciamenta vel debita seu quecumque alia dominum regem tangentes unde de Scaccario domini regis venerit summonitio per manum suam levabit et inde ad Scaccarium domini regis per se respondebit Ita quod predictus Willelmus vel heredes sui vicecomites vel eorum ballivi predictum hundredum vel predicta maneria nullo modo ingredientur ad predicta facienda nec aliquo modo se intromittent nisi forte propter defectum predicti servientis ipsius abbatis evenerit Quod specialiter per brevem domini regis domino Willelmo et heredibus suis vicecomitibus mandatum fuerit quod ipsi non omittant propter libertationem ipsius abbatis quin predictus Willelmus et heredes sui per se vel per ballivos suos proprios predicta fieri faciant propter defectum predicti servientis memorati abbatis et hic inteligendum est tam de debitis Judeorum unde summonitio de Scaccario ad vicecomitem in medietatem venerit quam de aliis predictis Si vero infra predictum hundredum vel predicta maneria aliquis alicui Judeo in aliquo debito fuerit obligatus et Judeus debitum suum per brevem domini regis petierit et illud aliquo modo per juditium disrationaverit predictus Willelmus et heredes sui vicecomites mandabunt predicto servienti ipsius abbatis quod ipse serviens debitum illud levare faciat dicto Judeo secundum extracta a predicto Willelmo vel heredibus suis vicecomitibus vel eorum ballivis facta Et si propter defectum debitoris huiusmodi fuerit facienda districtio dictus serviens ipsius abbatis districtionem illam venire faciet ad castrum Wygorn[] predicto Willelmo vel heredibus suis vicecomitibus vel suorum [ballivis] et vicecomitum vel eorundem ballivorum dictum debitum non levaverit vel districtionem ad predictum castrum venire non fecerit predictus Willelmus vel heredes sui vicecomites vel eorundem ballivi dictum hundredum vel predicta maneria ingredientur ad dictum debitum levandum vel districtionem ad predictum castrum venire faciendam dictusque serviens ipsius sicut predictum est puniendus predicto Willelmo vel heredibus suis vicecomitibus per juditium comitatus emendam faciet secundum quantitatem delicti per se vel per predictum abbatem in forma prenominate carte itaque et in formita a dominis regibus Anglie abbatibus et conventui de Evesham ante confectarum presentes confecte in suo robore permaneant imperpetuum sicut eisdem abbatis et conventui concessa sunt absque alia dirogatione simul et carte et instrumenta que predicti abbas et monachi habuerunt de predicto Willelmo et antecessoribus suis similiter Et illa que dictus Willelmus habuit nomine suo vel antecessorum suorum de predicto abbate vel predecessoribus suorum valida permaneant imperpetuum Ita tamen quod per ea hec que in presenti scripto redacta sunt in nullo deroge[n]tur perpetuum optineant vigorem prout eis concessa sunt quibus dum tamen dumtaxat articulis penitus annullatis in quadam carta predicti Willelmi in certis de quatenus attornato et portario de Evesham a predicto abbate constituendis ad quedam precepta recipienda et officia exequenda qui quidem articuli firmitatis de cetero vigorem aut locum non optineant In cuius rei testimonium et memoriam perpetuam parti huius instrumenti inter predictos abbatem et Willelmum cirographati penes predictum abbatem remanenti dictus Willelmus de Bello Campo sigillum suum apposuit alteram vero partem penes predictum Willelmum remanentem abbatis memoratus sigilli sui et sigilli sui conventus munimine per communitatem totius sui conventus assensum roboravit Testibus supradictis

Source Fulltext: Beauchamp Cartulary, 1100-1268. E. Mason. Pipe Roll Society, New Series V.43. Pipe Roll Society. J. W. Ruddock. Lincoln. 1980.