Uniuersis Christi fidelibus presentes litteras inspecturis Iuliana que fuit uxor Iohannis filii Willelmi filii Radulfi de Elmel salutem in domino Nouerit uniuersitas uestra me remisisse relaxasse in plena potestate et ligia uiduitate mea et renuntiasse et quiete clamasse domino Wiilelmo de Bello Campo et heredibus suis omnem actionem et demandam quam habui uel habere potui in terra uel warda filie et heredis dicti Iohannis quondam uiri mei et quicquid in premissis michi accidit uel accidere potuit nomine dotis uel custodie filie et heredis seu terre uel tenementi prefati Iohannis quondam uiri mei in Elmel Cridesho et Littleho Ita quod nec ego nec aliquis nomine meo in predictis terris uel tenementis warda uel maritagio quod non disparagetur de itero aliquid iuris uel clamii exigere poterimus uel uendicare In cuius rei testimonium presentibus sigillum meum apposui Hiis testibus domino Alano de Combrinton Rogero de Combrinton Roberto de Neuerton capellanis Thoma de Newinton Ada de Crepethorn Waltero de Coderug tunc constabulario Willelmo de Bello Campo clerico et aliis Datum apud Elmel die Iouis proximo post festum sancti Edwardi confessoris anno regni regis Henrici filii regis Iohannis quadragesimo nono

Source Fulltext: Beauchamp Cartulary, 1100-1268. E. Mason. Pipe Roll Society, New Series V.43. Pipe Roll Society. J. W. Ruddock. Lincoln. 1980.