Sciant presentes et futuri quod ego Philippus clericus hospitalis sancti Iohannis Oxonie dedi concessi et hac presenti carta mea confirmaui consensu et assensu Lutie uxoris mee priori prouintiali fratrum heremitarum ordinis sancti Augustini ac fratribus eiusdem ordinis totam illam terram quam emi a Iohanne Craumpe cum omnibus pertinentiis excepto uno muro que iacet inter terram Iohannis Craumpe ex parte orientali et terram meam quam inhabito ex parte occidentali extra portam orientalem Oxonie in parochia sancti Petri orientalis habend et tenend dictis priori et fratribus et eorum successoribus uel cuicumque dare uendere uel assignare uoluerint pro me et heredibus meis libere quiete integre bene et in pace in perpetuum reddendo inde annuatim capitalibus dominis feodi seruitium debitum et consuetum pro omni seruitio seculari exactione et demanda Ego uero Philippus et heredes mei uel assignati predictis priori et fratribus et eorum successoribus uel assignatis predictam terram cum pertinentiis contra omnes homines mares et feminas sine fraude warantizabimus in perpetuum ac defendemus Pro hac autem donatione et concessione et presentis carte confirmatione et warantizatione dederunt michi predicti prior et fratres sexaginta solidos sterlingorum pre manibus Et ut hec omnia firma et stabilia sine dolo permaneant presentem cartam sigilli mei impressione roboraui Hiis testibus Ada Feteplace tunc maiore Oxonie Iohanne de Coleshulle Philippo de Eu tunc balliuis Nicholao de Kyngesthon Willelmo de Eu Ada Submuro Galfrido le Mercer Iohanne de Eu Willelmo Pille Iohanne Fylekyng Matheo de Thornthine clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.