Sciant presentes et futuri quod ego Emma que fui uxor Willelmi Chese in libera uiduetate mea et in ligia potestate mea pro me et pro heredibus meis dedi et concessi et hac presenti carta mea confirmaui Ricardo de Wittenee parmantario totam terram illam cum pertinentiis que iacet inter terram que fuit Willelmi Crompe et terram que fuit Hugonis le Bolter in parochia sancti Petri orientalis Oxonie extra portam orientalem Oxonie item concessi eidem Ricardo quatuor solidos et unum denarium annualis redditus percipiendos ad quatuor anni terminos uidelicet ad festum sancti Thome apostoli tredecim denarios et ad festum beate Marie in Martio duodecim denarios et ad festum sancti Iohannis Baptiste duodecim denarios et ad festum sancti Michelis duodecim denarios de terris que fuerunt Willelmi Crompe que iacent inter pratum quod uocatur Paris et inter terras illas que fuerunt Willelmi Chese in parochia sancti Petri extra portam orientalem Oxonie habend et tenend sibi et heredibus suis uel suis assignatis quibuscumque uoluerit dare uendere assignare libere quiete pacifice et integre in feodo et hereditate reddendo inde annuatim heredibus Ricardi Bodin uel suis assignatis sex solidos ad duos anni terminos uidelicet ad festum beate Marie in Martio tres solidos et ad festum sancti Michelis tres solidos et michi et heredibus meis unum denarium ad festum sancti Michelis pro omni seruitio et exactione et demanda Et ego predicta Emma et heredes mei warantizabimus predictam terram cum pertinentiis et predictos quatuor solidos et unum denarium annualis redditus predicto Ricardo et heredibus suis uel suis assignatis prenominatis contra omnes homines mares et feminas Pro hac autem donatione concessione warantizatione et carte confirmatione dedit michi sepedictus Ricardus tres marcas sterlingorum pre manibus in garsumam Ut igitur prescripta firma et stabilia sine dolo permaneant in perpetuum huic presenti scripto pro me et pro heredibus meis sigillum meum apposui Hiis testibus Laurentio Wyth tunc maiore Oxonie Ada filio Walteri Iohanne Curcy tunc prepositis Thoma filio Walteri Laurentio Log Ada Wystlee Iohanne Pille Henrico Pille Rogero Bolter Willelmo Prute Waltero Kepeharm Willelmo Ioy Roberto clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.