Sciant presentes et futuri quod ego Lutia uxor quondam Philippi Clerici notarii dedi et concessi et hac presenti carta mea confirmaui et omnino quietum clamaui deo et hospitali sancti Iohannis extra portam orientalem Oxonie et confratribus ibidem [deo] seruientibus totum ius meum et clamium quod habui uel habere potui in dote mea scilicet de domo que scita est iuxta pratum de Paris que fuit quondam domo Iohannis Crompe et ex omnibus aliis exactionibus que ab eis a me possunt exigi extra portam orientalem Oxonie habend et tenend de me et de heredibus meis et de meis assignatis predictis fratribus predicti hospitalis et eorum successoribus libere quiete bene et integre et pacifice imperpetuum sine aliquo impedimento permaneat Et ego predicta Lutia et heredes mei warentizabimus et acquietabimus contra omnes homines predictis fratribus et eorum successoribus Pro hac autem donatione concessione et liberatione et carte mee confirmatione fratres predicti hospitalis dederunt michi duos solidos in gersumma Et quia uolo et bona uoluntate mea concedo quod ista concessio et carte mee confirmatio stabilis et inconcussa permaneat presenti scripto sigillo meo roboraui Hiis testibus Iohannes Culuert tunc maior Oxonie Nicholaus Aurifaber Thomas Sowy tunc balliuus Henricus Huayn Philippus de O Iohannes de O Willelmus Apothecarius et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.