Omnibus Cristi fidelibus ad quos presens scriptum peruenerit Philippus clericus filius Walteri Mercatoris Oxonie salutem in domino sempiternam Noueritis me concessisse remisisse et omnino quietum clamasse imperpetuum pro me et heredibus meis uel assignatis omne ius et clamium quod habui uel quod habere potui magistro et fratribus hospitalis sancti Iohannis extra portam orientalem Oxonie in toto tenemento cum omnibus pertinentiis quod habui ex dono dictorum magistri et fratrum quod est situm inter uiam prioris sancte Fritheswide et terram que fuit Willelmi Ioye habend et tenend dictis magistro et fratribus et eorum successoribus libere quiete bene et in pace dictum tenementum cum omnibus pertinentiis ita scilicet quod ego nec heredes mei uel assignati uel aliquis pro me uel per me aliquid iuris uel clamii in dicto tenemento de cetero poterimus exhigere Pro hac autem concessione remissione et quieta clamatione predicti magister et fratres dederunt michi et heredibus meis totum tenementum cum omnibus pertinentiis quod fuit quondam Ricardi de Walingford in escambium et est situm inter terram Roberti le Marescalle et terram Iohannis le Couper in parochia sancti Petri in oriente extra portam orientalem Oxonie Et ut hec mea concessio remissio et quieta clamatio rata et stabilis in perpetuum permaneat huic presenti scripto sigillum meum apposui Hiis testibus Nicholao de Kyngestona tunc maiore Oxonie Henrico Oeyn Elia le Coylter tunc prepositis Stephano Ligatore Willelmo Pille Iohanne le Marescal Gileberto Capellario et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.