Sciant presentes et futuri quod ego Ricardus de Walingford dedi remisi et omnino quietum clamaui pro me et heredibus meis et assignatis magistro et fratribus hospitalis sancti Iohannis extra portam orientalem Oxonie et eorum successoribus totum messuagium meum in parochia beati Petri in oriente extra portam orientalem Oxonie scilicet illud mesuagium cum omnibus pertinentiis suis quod fuit quondam Willelmi le Prude et quod habui de dono predictorum magistri et fratrum habend et tenend predictum mesuagium cum omnibus pertinentiis pro me et heredibus meis et assignatis predictis magistro et fratribus et eorum successoribus uel cuicumque dare uel assingnare uoluerint bene in pace libere et quiete imperpetuum ita quod nec ego nec heredes mei uel assingnati aliquod iuris uel clamii de cetero in dicto messuagio exigere poterimus Pro hac autem donatione remissione quietaclamatione et presentis carte mee confirmatione dederunt michi predicti magister et fratres duas marcas argenti et unum garnamentum in negotia mea expedienda Et ut hec omnia prescripta et prediuisa rata et inconcussa permaneant in perpetuum huic presenti scripto sigillum meum apposui Hiis testibus Nicholao de Kyngestone tunc maiore Oxonie Iohanne Culferd Helye le Coilter tunc balliuis Iohanne de Coleshulle Iohanne de Fylekynge Stephano ligatore librorum Willelmo Pille Iohanne le Marescalle Philippo clerico de sancto Iohanne et aliis Datum Oxonie die Ueneris proxima post festum Translationis sancti Thome Martiris anno regni regis Henrici filii regis Iohannis quinquagesimo quinto

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.