Sciant presentes et futuri quod ego Iohannes filius Mathei le Boltere de Oxonia dedi concessi et hac presenti carta mea confirmaui Iohanni de Thame marscallo unam seldam meam cum celario et solario desuper que sita est inter terram dicti Iohannis de Thame ex parte orientali et terram Walteri Molendinarii ex parte occidentali in parochia beati Petri orientalis Oxonie extra portam orientalem in suburbio eiusdem uille habend et tenend dictum tenementum cum pertinentiis sibi et heredibus suis uel suis assignatis de me et heredibus meis uel meis assignatis libere quiete bene et pacifice iure et hereditario in perpetuum reddendo inde annuatim michi et heredibus meis uel meis assignatis unam rosam ad festum Natiuitatis beati Iohannis Baptiste pro omni seruitio seculari exactione et demanda Et ego predictus Iohannes filius Mathei et heredes mei uel mei assignati warantizabimus acquietabimus et defendemus dictum tenementum dicto Iohanni de Thame et heredibus suis uel suis assignatis contra omnes mortales per predictum seruitium in perpetuum Pro hac autem donatione concessione warantizatione acquietatione defentione et presentis carte mee confirmatione dedit michi predictus Iohannes de Thame unam marcam argenti pre manibus Et ut hec omnia predicta firma et stabilia permaneant in perpetuum hanc cartam sigilli mei impressione corroboraui Hiis testibus Nicholao de Kingestune tunc maiore Oxonie Galfrido Aurifabro Iohanne de Eu tunc balliuis Galfrido le Mercer Iohanne de Filleking Elya le Quilter Martino Exemplario Willelmo Pille Philippo Notario Nicholao Whistle et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.