Sciant presentes et futuri quod ego Iohannes filius Mathei le Boltere de Oxonia dedi concessi et hac presenti carta omnino quietum clamaui pro me et heredibus meis uel meis assignatis Iohanni de Thame marscallo unam placeam terre mee iacentem in loco curtilagii que pertinet ad seldam meam in parochia sancti Petri orientalis Oxonie extra portam orientalem in suburbio eiusdem uille inter terram dicti Iohannis Marscalli et terram Walteri Molendinarii habendam et tenendam dictam placeam terre sicut iacet in longitudine et latitudine dicto Iohanni et heredibus suis uel suis assignatis ita quod nec ego nec heredes mei aut mei assignati uel aliquis pro me uel per me in tota predicta placea terre de cetero aliquid exigere uel clamare poterimus in perpetuum Pro hac autem donatione concessione et quieta clamantia dedit michi predictus Iohannes de Thame dimidiam marcam argenti pre manibus In cuius rei testimonium huic carte sigillum meum apposui hiis testibus Nicholao de Kingestune tunc maiore Oxonie Galfrido Aurifabro Iohanne de Eu tunc balliuis Galfrido le Mercer Iohanne Filleking Elya le Quilter Willelmo Pille Philippo Notario Oliuero de Tywe et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.