Sciant presentes et futuri quod ego Iohannes Marscallus de Oxonia dedi concessi et hac presenti carta mea confirmaui Waltero Molendinario et Alitie uxori sue totam illam terram meam pertinentem ad seldam meam quam emi de Iohanne filio Mathei le Boltere in parochia sancti Petri orientalis Oxonie extra portam orientalem in suburbio eiusdem uille habend et tenend dictam terram cum pertinentiis de me et heredibus meis uel meis assignatis dictis Waltero et Alitie et heredibus suis uel suis assignatis libere quiete bene et pacifice in perpetuum reddendo inde annuatim michi et heredibus meis uel meis assignatis unum denarium ad festum sancti Michelis pro omni seruitio seculari exactione et demanda Et ego predictus Iohannes et heredes mei uel mei assignati warantizabimus acquietabimus et defendemus dictam terram dictis Waltero et Alitie et heredibus suis uel suis assignatis contra omnes gentes mares et feminas tam Iudeos quam Cristianos per predictum seruitium in perpetuum Pro hac autem donatione concessione warantizatione acquietatione defensione et presentis carte mee confirmatione dedit michi predictus Walterus pro se et pro Alitia uxore sua viginti solidos sterlingorum in gersummam pre manibus Et ut hec omnia predicta firma et stabilia permaneant in perpetuum hanc cartam sigilli mei impressione corroboraui Hiis testibus Nicholao de Kingestune tunc maiore Oxonie Henrico de Gamages Nicholao Aurifabro tunc balliuis Waltero Aurifabro Iohanne Filleking Stephano ligatore librorum Willelmo Pille Philippo le Notur Iacobo Clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.