Omnibus Cristi fidelibus ad quos presens scriptum peruenerit Alitia quondam uxor Walteri Molendinarii Oxonie salutem in domino sempiternam Sciatis me concessisse remisisse ac pro me et heredibus meis seu assignatis in perpetuum quietum clamasse fratri Nicholao tunc magistro hospitalis sancti Iohannis Baptiste extra portam orientalem Oxonie et eiusdem loci confratribus et infirmis in dicto hospitali languentibus et eorum successoribus in liberam puram et perpetuam elemosinam totum ius et clamium quod habui uel aliquo modo habere potui in illo mesuagio cum pertinentiis quod quondam fuit Matheo le Boltere et iacet in suburbio Oxonie in parochia sancti Petri orientalis Oxonie iuxta mesuagium Ricardi Molendinarii ex parte una et mesuagium quod quondam tenuit Iohannes Marescallus ex parte altera quod quidem mesuagium tenui de predicto hospitali tamquam in feodo soluendo predictis fratri Nicholao tunc magistro dicti hospitalis et eiusdem loci confratribus tres solidos argenti ad duos anni terminos uidelicet ad Annuntiationem beate Marie in Martio decem et octo denarios et ad festum sancti Michelis decem et octo denarios ita quod nec ego dicta Alitia nec heredes mei nec mei assingnati nec aliquis pro me nec per me nec per heredes meos uel assingnatos meos aliquod iuris clamium seu calumpniam in dicto mesuagio cum pertinentiis suis nec de predictis fratre Nicholao tunc magistro dicti hospitalis nec de eiusdem loci confratribus seu infirmis nec de eorum successoribus pro predicto mesuagio de cetero clamare exigere seu uendicare poterimus in perpetuum In cuius rei testimonium huic presenti scripto sigillum meum apposui Hiis testibus Henrico Ewayn tunc maiore Oxonie Thoma Sowy Iohanne Wid tunc balliuis Oxonie Iohanne Culuerd Philippo de Ew Iohanne de Ew Martino Exemplatore Andrea Culuerd et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.