Sciant presentes et futuri quod ego Thomas filius Iohannis Mareschalli de Oxonia concessi remisi relaxaui et omnino quietum clamaui pro me et pro heredibus meis uel meis assignatis fratri Nicholao tunc magistro hospitalis sancti Iohannis extra portam orientalem Oxonie et eiusdem loci confratribus et eorum successoribus totum ius et clameum quod habui uel unquam aliquo modo habere potui in tenemento quod quondam Philippus Notur et Lutia uxor eius tenuerunt in suburbio extra portam orientalem Oxonie in parochia sancti Petri in oriente simul cum dimidia libra piperis quam pro redditu predicti tenementi annuatim habere clamaui simul cum omnibus arreragiis eschaetis wardis et releuiis et omnibus aliis demandis michi et heredibus meis pertinentibus de predicto tenemento situato inter tenementum quod quondam Iohannes Mareschallus de nobis tenuit ex una parte uersus australem et tenementum quod Iohannes Molendinarius tenet ex altera parte uersus orientem habend et tenend dictum tenementum cum omnibus suis pertinentiis simul cum predicta dimidia libra piperis prefatis magistro et fratribus et eorum successoribus libere quiete bene et in pace in puram et perpetuam elemosinam imperpetuum ita uidelicet quod nec ego Thomas nec heredes mei nec mei assignati nec aliquis nomine meo nec nomine heredum meorum nec assignatorum meorum nec per me nec pro me aliquod ius uel clamium in dicto tenemento uel in dimidia libra piperis imperpetuum de cetero exigere clamare uel uendicare potero uel poterimus imperpetuum set ab omnibus actionibus iuris et petitionibus eschaetis wardis et releuiis et omnibus aliis demandis de predicto tenemento et pipere cum omnibus suis pertinentiis michi et heredibus meis pertinentibus in eternum scimus exclusi Pro hac autem concessione remissione relaxatione et quieta clamatione dederunt michi prenotati magister et fratres duas marcas argenti pre manibus In cuius rei testimonium huic presenti scripto sigillum meum apposui hiis testibus Iohanne Culuerd tunc maiore Oxonie Andrea de Pirye et Iohanne With tunc balliuis Oxonie Henrico Ouwayn Nicholao Aurifabro Thoma Souwy Iohanne de Eu et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.