Sciant presentes et futuri quod ego Lutia quondam uxor Philippi le Notur in legia uiduitate mea et potestate dedi concessi et hac presenti carta mea confirmaui Iohanni Marescallo meam domum cum omnibus muris et omnibus aliis pertinentiis et est illa domus que dicitur Osthous et est iuncta illa domus coquine predicti Iohannis in tenemento meo extra portam orientalem in suburbio Oxonie habend et tenend predicto Iohanni et heredibus suis siue assignatis de me et heredibus meis cum omnibus libertatibus et consuetudinibus libere quiete bene et in pace reddendo inde annuatim michi et heredibus meis ipse et heredes sui siue assignati unum clauum gariofili scilicet ad Pascha pro omni seruitio seculari exactione et demanda Pro hac autem donatione concessione predictus Iohannes dedit michi quinque solidos argenti pre manibus Et ut hec omnia predicta rata et stabilia permaneant hoc presens scriptum inpressione sigilli mei roboraui Hiis testibus Nicholao de Kingestone tunc maiore Oxonie Iohanne Culuard Thoma Sowey tunc balliuis Nicholao Aurifabro Egidio de Stokwelle Martino Exemplario Gerardo Tinctore Waltero Molendinario Ricardo Clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.