Sciant presentes et futuri quod ego Adam tunc magister hospitalis sancti Iohannis extra portam orientalem Oxonie et confratres eiusdem loci dedimus et concessimus et hoc carta nostra confirmauimus Rogero Exemplario Oxonie unum masuagium nostrum extra portam orientalem Oxonie scilicet illud quod est inter masuagium Ade Fabri et masuagium Ricardi Marescalli habend et tenend de nobis et successoribus nostris sibi et heredibus suis uel suis assignatis exceptis uiris religiosis preterquam fratribus nostris et excepto Iudaismo libere quiete et hereditarie reddendo inde annuatim ille et heredes sui uel sui assignati nobis uel successoribus nostris octo solidos ad quatuor anni terminos scilicet ad Natale Domini duos solidos et ad festum beate Marie in Martio duos solidos et ad festum sancti Iohannis Baptiste duos solidos et ad festum sancti Michelis duos solidos pro omnibus seruitiis consuetudinibus et exactionibus et secularibus demandis Et ego Adam et predicti confratres et eorum successores warentizabimus predicto Rogero et heredibus suis uel suis assignatis predictum masuagium quamdiu warentizator noster nobis illud warentizare poterit contra omnes mares et feminas Et si contingat dictum Rogerum uendere uel inuadiare illud masuagium dicti magister et confratres propinquiores erunt omnibus aliis foro tamen rationabili Et ut hec prescripta rata et inconcussa permaneant hoc scriptum sigillo nostro communi roborauimus Hiis testibus Laurentio Log Willelmo de Chiltone Rogero le Boltere Roberto Capellario Willelmo le Prude Henrico Combere Ricardo Marescallo Ada Fabro Waltero God[eg]naue Matheo le Boltere et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.