Notum sit omnibus hominibus quod ego Rogerus Exemplarius Oxonie concessi et quietum clamaui pro me et heredibus meis deo et fratribus hospitalis sancti Iohannis extra portam orientalem Oxonie et eorum successoribus in perpetuum totum ius et clamium quod habui uel habere potui sine aliquo retenemento in illam particulam terre cum pertinentiis quam emi ab Adam Fabro que iacet inter magnum uicum ex una parte et terram predicti Rogeri ex altera ita uidelicet quod nec ego nec heredes mei nec mei assignati aliquid iuris uel clamii in predicta particula terre possimus uendicare in perpetuum Pro hac autem concessione et quieta clamantia dederunt michi predicti fratres duodecim solidos sterlingorum in gersummam Ut igitur predicta robur et firmitatem in se optineant huic scripto sigillum meum apposui hiis testibus Nicholao de Stockwelle tunc maiore Oxonie Galfrido Aurifabro Willelmo le Seinter tunc prepositis Oxonie Ricardo Fabro Roberto Fabro Adam Fabro Math[eo] filio Eddr[] Adam Wistle Willelmo Ioie Rogero le Bolter Willelmo le Protte et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.