Hec est conuentio facta inter communitatem Oxonie ex parte una et Iohannem Marescallum ex altera uidelicet quod predicta communitas dedit concessit tradidit et dimisit predicto Iohanni unam aream extra portam orientalem Oxonie iacentem iuxta eandem portam ex parte occidentali continentem in longitudine uiginti et quatuor pedes et in latitudine duodecim pedes habend et tenend predicto Iohanni et heredibus suis libere quiete pacifice et integre in perpetuum reddendo inde annuatim predicte communitati duodecim denarios ad Pascha pro omni seruitio exactione et demanda ita tamen quod si aliqua prohibitio emergat propter quam predictus Iohannes predictam aream pacifice possidere non possit tunc predicta communitas ad warentizationem et defensionem predicte aree memorato Iohanni non teneatur set licebit eidem Iohanni quod ibidem edificauerit sine omni contradictione asportare Ut igitur predicta firma et stabilia sine dolo imperpetuum permaneant predicta communitas sigillum communitatis sue parti remanenti penes predictum Iohannem apposuit et idem Iohannes parti remanenti penes predictam communitatem sigillum suum apposuit Hiis testibus Nicholao de Kyngestone tunc maiore Oxonie Nicholao Aurifabro Elia le Cuulter tunc balliuis eiusdem Henrico Oweyn Waltero Aurifabro Galfrido Aurifabro Willelmo le Espicer Philippo de Eu Iohanne de Eu Iohanne Filkynge Thoma Clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.