Sciant presentes et futuri quod ego Thomas de Wingedene ex assensu Matildis uxoris mee dedi concessi et hac presenti carta mea confirmaui Stephano Cementario de Kiboldestret medietatem mesuagii mei que continet in longitudine nouemdecim ulnas et dimidiam et dimidium pedem in latitudine septem ulnas et unam quartam et iacet iuxta mesuagium dicti Stephani uersus occidentem in parochia sancti Petri orientalis Oxonie habend et tenend sibi et heredibus suis uel suis assignatis uel quibuscumque dare uendere legare uel assignare uoluerit sine in sanitate siue in egritudine libere quiete pacifice integre reddendo inde annuatim michi et heredibus meis sex denarios ad duos anni terminos uidelicet ad Pascha tres denarios et ad festum sancti Michaelis tres denarios et luminar[i] ante altare beate Marie in ecclesia sancti Petri orientalis Oxonie unum denarium ad Pascha pro omni seruicio exaccione et demanda seculari et ego predictus Thomas et heredes mei warantizabimus acquietabimus et defendemus predictam medietatem mesuagii cum pertinenciis suis predicto Stephano et heredibus suis uel suis assignatis ut prediuisum est contra omnes gentes in perpetuum Pro hac autem donacione concessione acquietancia et defensione dedit michi predictus Stephanus uiginti solidos in gersumam Ut igitur prescripta et prediuisa firma et stabilia et sine dolo permaneant in perpetuum huic scripto presenti sigillum meum apposui hiis testibus Ada Feteplace tunc maiore Oxonie Iohanne de Coleshulle Iohanne Padi tunc balliuo Oxonie Rogero le Boltere Iohanne Philekine Stephano Ligatore librorum Willelmo Basse Radulfo de Perham Radulfo le Bike Roberto clerico et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.