Omnibus Cristi fidelibus presens scriptum uisuris uel audituris Seyaffa quondam uxor Willelmi de Haliwelle salutem Nouerit uniuersitas uestra me in uiduitate mea dedisse et quietum clamasse fratribus hospitalis sancti Iohannis extra portam orientalem Oxonie pro me et heredibus meis in perpetuum totum ius meum quod habui uel habere potui in terra cum pertinentiis suis que iacet inter terram magistri Walteri quondam offitialis Oxonie ex una parte et Henricum Fouke ex alia et abuttat uersus Kyboldestret que terra est de feoudo dicti hospitalis sancti Iohannis scilicet totum ius quod habui uel quod habere potui iure hereditario siue maritagii siue quocumque alio iure in dicta terra ita quod nec ego nec heredes mei nec successores nec assignati aliquid iuris uel clamii habeant uel habere possint in dicta terra Dedi etiam et concessi quod fratres dicti hospitalis habeant residuum dicte terre que abuttat uersus uicum sancti Iohannis post obitum meum et quietum eis clamaui pro me et heredibus meis totum ius meum quod habui uel habere potui in terra illa cum suis pertinentiis Ego uero Seyaffa et heredes mei dictam terram cum suis pertinentiis prefatis fratribus contra omnes homines in perpetuum warantizabimus Pro hac autem donatione et quietaclamatione et warantizatione dederunt michi fratres dicti hospitalis unam marcam Et ut hec mea donatio et quietaclamatio et warantizatio perpetuam optineat firmitatem presenti scripto sigillum meum apposui hiis testibus Thoma tunc maiore Oxonie Galfrido Aurifabro et Thoma le Spicer tunc temporis prepositis Oxonie Galfrido de Haliwelle et Ricardo tunc temporis capellanis hospitalis sancti Iohannis Willelmo le Spicer Henrico Fouke Henrico de Wilebi clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.