Sciant presentes et futuri quod cum ego Iohannes filius Iohannis Sewy de Oxonia et Katerina uxor mea tulissemus breue noue disseysine coram Roberto Fulcone et Waltero de Agmodesham de duobus mesuagiis in parochia sancti Petri in oriente in Oxonia uersus fratrem Nicholaum magistrum hospitalis sancti Iohannis extra portam orientalem Oxonie et alios in breui contentos ac per predictos iustitiarios aiurnati fuissemus coram iustic[] itinerantibus apud Oxoniam anno regni regis Edwardi terciodecimo tandem ego predictus Iohannes et Katerina filia Iohannis Fyleking uxor mea uolentes promotionem dicti hospitalis magistri et fratrum dicte domus dedimus concessimus et hac presenti carta nostra confirmauimus deo et beato Iohanni Baptiste et fratri Nicholao magistro hospitalis sancti Iohannis extra portam orientalem Oxonie et fratribus eiusdem domus et eorum successoribus predicta duo mesuagia cum omnibus pertinentiis suis libertatibus et aysiamentis infra uillam unde unum mesuagium iacet in parochia sancti Petri in oriente iuxta mesuagium domini Willelmi uicarii de Elsefeld ex parte orientali quod quidem mesuagium Iohannes Philekyng aliquando consueuit inhabitare et aliud mesuagium iacet in eadem parochia iuxta mesuagium Galfridi de Stocwelle in cimiterio sancti Petri in oriente ex parte australi habend et tenend predicto magistro et fratribus et eorum successoribus de capitalibus dominis feodi libere quiete integre iure hereditario in perpetuum faciendo inde capitalibus dominis feodi pro nobis et heredibus nostris seruitia et consuetudines que ad predicta tenementa pertinent Ego uero predictus Iohannes et Katerina uxor mea et heredes nostri predicta duo mesuagia cum omnibus pertinentiis suis predicto magistro et fratribus et eorum successoribus per predicta seruitia capitalibus dominis feodi facienda contra omnes gentes imperpetuum warantizabimus acquietabimus et defendemus Pro hac autem nostra donatione concessione et presentis carte nostre confirmatione et omnino quieta clamatione dederunt nobis predicti magister et fratres decem libras argenti bone et legalis monete in gersumam pre manibus Et ut hec omnia rata permaneant imperpetuum hoc presens scriptum sigillorum nostrorum impressione roborauimus Hiis testibus Nicholao de Kyngestune tunc maiore Oxonie Iohanne Culuerd et Thoma de Sowi tunc balliuis eiusdem uille Henrico Oweyn Willelmo Ypothecario Willelmo de Ew Philippo de Ew Iohanne Sewy seniore Randulpho Plumbatore Symone Scot et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.