Sciant presentes et futuri quod ego Ricardus Waldri dedi concessi et hac presenti carta mea confirmaui et omnino quietum clamaui pro me et heredibus meis uel meis assignatis fratri Waltero tunc magistro hospitalis sancti Iohannis extra portam orientalem Oxonie et eiusdem loci confratribus in liberam puram et perpetuam elemosinam unum mesuagium cum omnibus suis pertinentiis quod mesuagium scitum est inter mesuagium abbatis de Oseneye et mesuagium quondam Iohannis Fileking[] in parochea beati Petri orientalis Oxonie habend et tenend predictis confratribus et successoribus suis predictum mesuagium cum omnibus suis pertinentiis et cum omni iure et clamio quod ego predictus Ricardus uel heredes mei uel assignati mei in dicto mesuagio habuimus uel aliquo modo habere potuimus libere quiete bene et in pace imperpetuum ab omni seruitio seculari consuetudine exactione et demanda Et ut hec mea donatio concessio carte mee confirmatio et quieta clamatio rata et stabilis et inconcussa imperpetuum permaneat hoc scriptum sigilli mei impressione roboraui Hiis testibus Nicholao de Kyngistone tunc maiore Oxonie Nicholao Aurifabro Henrico de Gamage tunc balliuis Henrico Owayn Waltero Aurifabro Galfrido Aurifabro Elis le Quilter Willelmo Pille Iohanne Fileking[] Ricardo de Eppewelle et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.