Omnibus Cristi fidelibus ad quos presentes littere peruenerint Hugo filius Willelmi le Pillori de Merstone salutem in domino Nouerit uniuersitas uestra me diuine caritatis intuitu et pro salute anime et animarum antecessorum meorum concessisse ac quietum clamasse pro me et heredibus meis uel assignatis meis deo et beate Marie et magistro et fratribus ac infirmis hospitalis sancti Iohannis extra portam orientalem Oxonie et ipsorum successoribus totum ius et clamium quod unquam habui uel aliquo modo habere potui in illo mesuagio cum pertinentiis quod uocatur Chapelhalle sito inter terram abbatis de Oseney ex una parte et terram Galfridi le Mercer ex alia in magno uico Oxonie uersus portam orientalem in parrochia sancti Petri orientalis in quo quidem mesuagio Thomas de Benham solebat inhabitare Quare uolo et concedo quod predicti magister et fratres et infirmi totum mesuagium predictum cum pertinentiis libere et quiete teneant et habeant sibi et successoribus suis in perpetuum reddendo annuatim et inde faciendo capitalibus dominis eiusdem feodi seruitia inde debita et consueta pro omni seruitio consuetudine et demanda ita scilicet quod ego uel heredes aut assignati mei seu quisquam alius per me uel nomine meo nichil iuris uel clamii de cetero poterimus in predicto mesuagio cum pertinentiis exigere seu uendicare Et pro hac concessione et quieta clamatione predicti magister et fratres dederunt predicto Hugoni dimidiam marcam et unam supertunicam In cuius rei testimonium presenti scripto sigillum meum apposui hiis testibus Philippo de Ew tunc maiore Oxonie Iohanne le Orfeuere et Andrea Culuert tunc balliuis eiusdem uille Iohanne de Ew Roberto de Wormenhale Andrea de Pyrie Ricardo le Especer Thoma Lysewys Ricardo clerico et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.