Uniuersis Cristi fidelibus ad quos presens scriptum peruenerit Iohannes de Bormingham clericus salutem in domino Nouerit uniuersitas uestra me intuitu pietatis dedisse et concessisse et hac presenti carta confirmasse domui hospitalis sancti Iohannis extra portam orientalem Oxonie et confratribus eiusdem hospitalis et eorum successoribus imperpetuum illam terram cum edifitiis et pertinentiis suis que est inter cimiterium ecclesie sancti Petri orientalis Oxonie et terram Agnetis Log in longitudine et murum terreum quem feci construi et domum angularem dicti hospitalis iuxta dictum cimiterium in latitudine habend et tenend in perpetuum eisdem fratribus et eorum successoribus libere quiete et pacifice et integre soluendo annuatim de predicta terra et de terra prioris et canonicorum de Wroxtone et de terra prioris et monachorum de Sandwelle Galfrido de Stokwelle et heredibus suis duos solidos argenti ad duos terminos anni pro omni seruitio et demanda scilicet ad festum sancti Michelis xii denarios et ad Pascha xii denarios Et tenentes predictarum terrarum prioris et canonicorum de Wroxtone et tenentes prioris et monachorum de Sandwelle respondebunt predictis confratribus annuatim sicut michi respondere debebant et solebant Et in huius rei robur et testimonium hoc presens scriptum sigilli mei inpressione roboraui Hiis testibus Galfrido de Stokwelle tunc maiore Oxonie Willelmo de Wintonia et Willelmo filio Willelmi tunc prepositis Oxonie Philippo Molendinario Henrico filio Henrici Thoma filio Walteri Pentecoste Laurentio Log Adam Wistle Willelmo le Prute Rogero le Boltere et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.