Sciant presentes et futuri quod ego Hugo de Bruiewater dedi concessi et hac presenti carta mea confirmaui et omnimodo quietum clamaui pro me et heredibus meis et meis assignatis fratri Waltero tunc magistro hospitalis sancti Iohannis extra portam orientalem Oxonie et eiusdem loci confratribus et eorum successoribus totum ius meum et clameum quod habeo uel habui uel habere potui de dono Mabilie le Reyns in uno mesuagio cum curtilagio et omnibus aliis pertinentiis et libertatibus que ad predictum mesuagium uel curtilagium nomine meo poterunt euenire similiter cum toto iure quod habeo uel habui uel habere potui de terra quam Adam le Masun de Mabilia le Reyns quondam tenuit quod mesuagium situm est in parochia sancti Petri en le Est inter terram Roberti Winter ex parte orientali et mesuagium recluse ex parte occidentali habend et tenend predictis magistro Waltero predicti hospitalis et eiusdem loci confratribus et eorum successoribus predictum mesuagium cum curtiligio sicut prenominatum est [uel cuicumque] uendere dare uel assignare qualitercumque uel quandocumque uoluerint libere quiete bene et in pace imperpetuum sine aliquo clameo mei uel heredum meorum uel assignatorum meorum imperpetuum Pro hac autem donatione concessione et quieta clamatione dederunt michi dicti magister et fratres undecim solidos sterlingorum et quinque denarios et unam tunicam de Rosceto in gersumma pre manibus In cuius rei testimonium huic presenti scripto sigillum meum apposui hiis testibus Nicholao de Kyngestone tunc maior Oxonie Andrea de Durham Iohanne de Ow tunc balliuis Oxonie Iohanne Phileking Elys le Coylter Thoma Clerico Stephano le Liur Martino le Saunplarier Iohanne de Witele Iohanne le Marescal Philippo le Notur et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.