Sciant presentes et futuri quod ego Thomas Piscator et Amitia uxor mea dedimus concessimus et hac presenti carta nostra confirmauimus et omnino quietum clamauimus pro nobis et heredibus nostris fratribus hospitalis sancti Iohannis extra portam orientalem Oxonie totum nostrum ius et clamium quod habuimus uel habere potuimus in puram et perpetuam elemosinam in duodecim denarios annui redditus cum pertinentiis quos solebamus annuatim recipere de predictis fratribus de quadam domo in parochia sancti Petri uersus orientem quam Rogerus Cokerel tenet iuxta aulam puellarum et in unum denarium annui redditus cum pertinentiis quem solebamus annuatim recipere de domo Willelmi le Lingedraper in parochia sancte Fredeswide cum seruitiis eschetis et omnibus aliis rebus ad eundem denarium annui redditus pertinentibus habend et tenend dictis fratribus et eorum successoribus dictos duodecim denarios annui redditus cum pertinentiis cum predicto denario annui redditus cum pertinentiis libere quiete bene et in pace ab omni seculari seruitio exactione et demanda Ego uero Thomas et Amitia uxor mea et heredes nostri dictos duodecim denarios annui redditus cum pertinentiis et cum dicto denario annui redditus et cum omnibus pertinentiis sicut predictum est contra omnes homines et feminas warentizabimus aquietabimus defendemus in perpetuum Et ut hec nostra donatio et carte nostre confirmatio et quieta clamatio rata et stabilis permaneant huic scripto sigilla nostra aposuimus hiis testibus Ade Feteplace tunc maiore Oxonie Galfrido de Henstesseie Thoma le Specer tunc prepositis Oxonie Waltero Aurifabro Galfrido fratre eius Rogero le Boltere Willelmo de Chiltone Waltero Kepeharm Galfrido Belewe clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.