Omnibus Cristi fidelibus ad quos presens scriptum peruenerit Willelmus de Lyndeseye et Agnes Bolepanne uxor eius salutem in domino sempiternam Noueritis nos remisisse concessisse et omnino pro nobis et heredibus nostris in perpetuum quietum clamasse fratri Nicholao magistro hospitalis sancti Iohannis Baptiste extra portam orientalem Oxonie et eiusdem loci confratribus totum ius et clamium quod habuimus seu aliquo modo habere potuimus in uno mesuagio cum omnibus suis pertinentiis quod est infra murum Oxonie in parochia sancti Petri orientalis contra murum de Smithegate iuxta aulam Uniuersitatis ex parte orientali et tenementum Symonis Scot ex parte occidentali et in uno denario annui redditus quem solebamus annuatim recipere de predicto Symone Scot semper ad Pascha de eodem tenemento prenotato cum omnibus suis pertinentiis habend et tenend predictum mesuagium cum suis pertinentiis et predictum denarium annui redditus cum omnibus suis pertinentiis in liberam puram et perpetuam elemosinam in perpetuum prenominato fratri Nicholao magistro dicti hospitalis et eiusdem loci confratribus libere quiete bene et in pace iure et hereditario absque omni seculari exactione demanda calumpnia seu impedimento ita quod nec nos dicti Willelmus et Agnes uxor mea nec heredes nostri nec aliquis nomine nostro nec heredum nostrorum uel assignatorum nostrorum aliquid iuris clamium seu calumpniam in dicto mesuagio cum omnibus suis pertinentiis nec in dicto denario annui redditus cum omnibus suis pertinentiis clamare de cetero uel exigere poterimus in perpetuum In cuius rei testimonium huic presenti scripto sigilla nostra apposuimus Testibus Henrico Ewayn tunc maiore Oxonie Willelmo de Wodestone Andrea Culuerd tunc balliuo Oxonie Willelmo le Espicer Nicholao Aurifabro Iohanne Sewy Iohanne Aurifabro Andrea Pyrie Iohanne Culuerd Symone Scot et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.