Sciant presentes et futuri quod ego Iohannes Bulpanne de Oxonia dedi et concessi et hac presenti carta mea confirmaui Henrico filio Roberti de Swapham totam terram meam cum pertinentiis quam emi de Willelmo de Wyntonia le Spycer que iacet in parochia sancti Petri uersus orientem Oxonie inter terram Ricardi de Smeesby ex parte una et terram meam angularem de Cattestrete ex parte altera tenend et habend de me et heredibus meis uel assignatis predicto Henrico et heredibus suis uel assignatis quibuscumque illam dare uendere assignare legare in sanitate siue in egritudine [uoluerit] exceptis domibus religiosis in feodo et hereditate libere quiete pacifice et integre reddendo inde annuatim michi et heredibus meis uel assignatis unum obolum ad Pascha et abbati de Eynisham vi solidos et Willelmo le Spycer de Wyntonia vi solidos ad terminos debitos et consuetos pro omni seruitio et exactione et demanda Et ego predictus Iohannes et heredes mei et assignati warantizabimus et aquietabimus et defendemus predictam terram cum pertinentiis predicto Henrico et heredibus suis uel assignatis preterquam domibus religiosis contra omnes homines mares et feminas in perpetuum Pro hac autem donatione et concessione et warantizatione et aquietantia et defensione et carte confirmatione dedit michi predictus Henricus tres marcas argenti pre manibus ad maximum negotium meum Ut igitur predicta firma et stabilia sine dolo in perpetuum permaneant huic scripto pro me et pro heredibus meis et assignatis sigillum meum apposui Hiis testibus domino Nicholao de Henred[] tunc uicecomite Oxonie Galfrido de Hensteseye Iohanne de Coleshille tunc prepositis Oxonie Adam Feteplace Waltero Aurifabro Willelmo le Spycer Alredo le Spicer Willelmo de Hou Willelmo le Lyur Henrico Balle Roberto Clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.