Sciant presentes et futuri quod ego Philippus Molendinarius Oxonie dedi et concessi et hac mea presenti carta confirmaui pro me et pro heredibus meis in perpetuam elemosinam deo et hospitali sancti Iohannis extra portam orientalem Oxonie et fratribus eiusdem loci totam medietatem tocius illius terre cum pertinentiis in Kattestrete in parrochia beate Marie virginis que me contingit et que fuit aliquando Benedicti Aylnoth que quidem terra est ex parte aquilonari iuxta terram quam Willelmus le Liur tenuit in feodo de predicto hospitali de qua quidem terra alia medietas est Prioris sancte Frideswithe Oxonie habend et tenend predictis fratribus et eorum successoribus uel suis assignatis imperpetuum libere et quiete et integre et pacifice reddendo annuatim de predicta medietate tocius predicte terre pro me et pro heredibus meis ecclesie Cantuar[iensi] tres denarios et unum quadrantem pro omni seruicio et preterea annuatim prioratui de Nortone quinque solidos esterlingorum ad duos anni terminos ad sustentandum duos cereos ad altare beate Marie uirginis singulis diebus ad missam domine ardentes uidelicet die Lune proxima post Hokeday duos solidos et sex denarios et die Lune proxima post festum sancti Michaelis duos solidos et sex denarios ita quod nuntius predicti prioratus de Nortone remaneat semper super rationabilem custum predicti hospitalis donec sibi plenarie ad quemlibet terminum prediuisus redditus persoluatur Ego autem Philippus et heredes mei warantizabimus predicto hospitali et predictis fratribus et eorum successoribus imperpetuum totam predictam medietatem tocius prenominate terre cum pertinenciis suis contra omnes homines mares et feminas Et in huius rei robur et testimonium hoc presens scriptum sigilli mei impressione roboraui Hiis testibus Galfrido de Hengseye et Henrico Perle tunc prepositis Oxonie Petro filio Toroldi Galfrido de Stokwelle Henrico filio Henrici filii Simeonis Adam Feteplace Thoma filio Walteri Waltero Aurifabro Iohanne Bulepanne Adam de Waltone Nicholao Bedello Ricardo Scoleic aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.