Hec est finalis concordia facta in curia domini regis apud Westmonasterium in octabis sancte Trinitatis anno regni regis Edwardi filii regis Henrici octauodecimo coram Iohanne de Metyngham Roberto de Hertford Elia de Bekyngham Willelmo de Giselham et magistro Roberto de Thorpe iusticiariis et aliis domini regis fidelibus tunc ibi presentibus inter Hugonem de Merk querentem et Iohannem Warcheyn et Iohannam uxorem eius impedientes de uno mesuagio cum pertinenciis in Oxonia unde placitum warantie carte summonitum fuit inter eos in eadem curia scilicet quod predicti Iohannes et Iohanna recognouerunt predictum mesuagium cum pertinenciis esse ius ipsius Hugonis ut illud quod idem Hugo habet de dono predictorum Iohannis et Iohanne habend et tenend eidem Hugoni et heredibus suis de predictis Iohanne et Iohanna et heredibus ipsius Iohanne imperpetuum reddendo inde per annum unum obolum ad Pascha pro omni seruicio consuetudine et exaccione ad predictos Iohannem et Iohannam et heredes ipsius Iohanne pertinente et faciendo inde capitalibus dominis feodi pro predictis Iohanne et Iohanna et heredibus ipsius Iohanne omnia alia seruicia que ad illud mesuagium pertinent Et predicti Iohannes et Iohanna et heredes ipsius Iohanne warantizabunt eidem Hugoni et heredibus suis predictum mesuagium cum pertinenciis per predicta seruicia contra omnes homines imperpetuum Et pro hac recognicione warancia fine et concordia idem Hugo dedit predictis Iohanni et Iohanne unum speruarium sorum

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.