Sciant presentes et futuri quod ego Hugo de Merk dedi concessi et hac presenti carta mea confirmaui Alitie Noel unum mesuagium cum duabus seldis in uilla Oxonie quod est situm in Gropcuntlane inter terram Hospitalis sancti Iohannis Baptiste et terram prioris et conuentus sancte Fredeswide quod emi a Iohanne Warcheyn et Iohanna uxore sua habendum et tenendum dictum mesuagium cum duabus seldis et omnibus pertinentiis suis de capitalibus dominis feodi sibi et heredibus suis de corpore suo legitime procreatis et cuicumque dictum mesuagium cum duabus seldis dare legare uendere uel assignare uoluerit libere quiete bene in pace et hereditarie in perpetuum reddendo inde annuatim michi ad terminum uite mee duas marcas ad terminos subscriptos uidelicet ad Natale Domini octo solidos et quatuor denarios ad Pascha Domini octo solidos et quatuor denarios ad Natiuitatem sancti Iohannis Baptiste octo solidos et quatuor denarios ad festum sancti Michelis octo solidos et quatuor denarios ecclesie beate Marie uirginis tres solidos ad quatuor anni terminos uidelicet ad quemlibet terminum nouem denarios et domino Philippo de Ho decem denarios et post obitum meum unam rosam tantum heredibus meis et assignatis pro omnibus seruitiis consuetudinibus sectis curie et secularibus demandis saluis predictis tribus solidis dicte ecclesie beate Marie et decem denariis domino Philippo de Ho Et ego predictus Hugo et heredes mei warantizabimus acquietabimus et defendemus predictum mesuagium cum predictis duabus seldis predicte Alitie et heredibus suis de corpore suo legitime procreatis et suis assignatis quibuscumque contra omnes homines et feminas imperpetuum Pro hac autem donatione et carte mee confirmatione dedit michi predicta Alitia centum solidos argenti pre manibus Et ut hec mea donatio perpetue stabilitatis robur optineat huic carte sigillum meum apposui hiis testibus domino Henrico Howayn tunc maiore Oxonie Willelmo de Wodestone Andrea Culuard tunc prepositis Oxonie Willelmo Apothecario Philippo de Ho Iohanne de Ho Nicholao Aurifabro Andrea de Pirie Richardo Culuar Radulpho de Cokiswelle et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.