Sciant presentes et futuri quod ego Alitia Noel de Northneuton in mea ligea ac plena potestate dedi concessi et hac presenti carta mea confirmaui Ricardo dicto Taylur de Schrouesbur capellano unum mesuagium cum duabus seldis in uilla Oxonie in Gropelane quod situm est inter terram Ospitalis sancti Iohannis extra portam orientalem Oxonie ex parte una et terram prioris et conuentus sancte Frideswide Oxonie ex altera habend et tenend dictum mesuagium cum predictis duabus seldis et cum omnibus eorum ubique pertinentiis predicto Ricardo heredibus suis et suis assignatis de capitalibus dominis feodi per seruitia inde debita et consueta libere quiete integre bene et in pace iure hereditario imperpetuum pro omni seruitio seculari exactione et demanda Et ego uero predicta Alitia et heredes mei totum predictum mesuagium cum predictis duabus seldis predicto Ricardo heredibus suis et suis assignatis contra omnes homines et feminas warentizabimus et defendemus imperpetuum Pro hac autem donatione concessione et huius presentis carte mee confirmatione dedit michi predictus Ricardus decem marcas argenti pre manibus Et ut hec mea donatio concessio et huius presentis carte mee confirmatio firma et stabilis imperpetuum permaneat et inuiolata huic presenti carte sigillum meum apposui Hiis testibus Roberto de Wormenhale tunc maiore uille Oxonie Cristoforo filio Simonis et Philippo de Wormenhale balliuis eiusdem Iohanne With Ada de Spalding Iohanne de Hamsteyde Benedicto de Tackele Henrico de Weston Roberto de Miltone et aliis Dat apud Oxoniam die Sabbati proxima ante festum sancti Mathei apostoli et euangeliste anno regni regis Edwardi uicesimo septimo

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.