Sciant presentes et futuri quod ego Robertus filius Roberti de Pelte dedi et concessi et hac presenti carta mea confirmaui Agneti de Trop mansum meum cum pertinentiis in parochia beate Marie Oxonie iacens inter terram Iohannis Curci et terram que fuit aliquando Iohannis de Stanleya pro homagio et seruitio suo habend et tenend de me et heredibus meis sibi et heredibus suis uel cuicumque dare uel uendere uel legare uoluerit iure et hereditario libere quiete et pacifice imperpetuum reddendo inde annuatim ecclesie beati Petri uersus orientem sexdecim denarios et michi et heredibus meis unum denarium ad Pasca pro omni seruitio exactione et demanda Et ego Robertus et heredes mei warantizabimus dicte Agneti et heredibus suis uel suis assignatis uel legatariis suis dictum mansum cum suis pertinentiis contra omnes homines et feminas Pro hac autem donatione concessione et carte mee confirmatione dedit michi predicta Agnes centum solidos sterlingorum pre manibus Ut igitur predicta robur et firmitatem optineant huic scripto sigillum meum apposui Hiis testibus Laurentio Wyth tunc maiore Oxonie Iohanne Curci et Adam iuxta murum tunc prepositis Oxonie Willelmo le Spicer Iohanne Bulebanne Waltero Godecnape Willelmo de Hely Reginaldo le Luminur Roberto le Rus Thoma Sukeling Laurentio Log Iohanne le Scriuen Willelmo de Hastune Galfrido Giffard Rogero le Bolter Waltero Gulle et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.