Uniuersis [...] Nicholaus Dewy ciuis Oxon salutem Uestra nouerit uniuersitas me teneri Abbati et Conuentui Osen in quinque marcis argenti pro arreragiis tenementorum que de ipsis Abbate et Conuentu quandoque tenui in uilla Oxon ad quatuor anni terminos soluendis uidelicet quod singulis annis soluam quatuor solidos scilicet [...] xii denarios Uolo etiam et concedo quod si de me ante solutionem plenam predictarum quinque marcarum humanitus contigerit heredes mei et executores ad plenariam satisfactionem residui pecunie supradicte prefatis uiris religiosis teneantur astricti nec testamenti mei procedat executio donec supradictis religiosis de dicta summa pecunie ad plenum fuerit satisfactum Concessi insuper et bona fide promisi quod si de cetero dictis religiosis uel eorum procurat[ori] in aliquo fuero iniuriatus iudices delegati uel eorum alter coram quo uel quibus fueram euocatus auctoritate apostolica seu delegata ad satisfactionem condignam per eandem sententiam qua prius ad simplicem assertionem dictorum religiosorum uel procuratoris eorundem sine strepitu iuditiali me ipsum possit uel possint compellere Et ad obseruationem eorum que in presenti scriptura continentur tactis sacrosanctis euangeliis corporale prestans sacramentum me ipsum astrinxi seu obligaui regie renuntians prohibitioni et priuilegio crucesignatis indulto et omni iuris remedio quod michi competit uel competere possit de iure canonico uel ciuili Et incipiat solutio prima ad Natale Domini anno ab Incarnatione eiusdem mcclxxiii et sic deinceps per terminos supra scriptos In cuius [...] Facta fuit hec scriptura apud Oseneyam in uigilia Natalis Domini anno eiusdem supradicto

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.