Hec conuencio facta inter dominum Iohannem abbatem et Conuentum de Osen[] ex una parte et Simonem filium Rogeri filii Stephani de Oxon[] ex altera uidelicet quod idem Abbas et Conuentus [concesserunt] tradiderunt et dimiserunt eidem Simoni totum [mesuagium] suum cum pertinentiis in parochia sancti Michaelis [ad portam] aquilonarem Oxon[] quod aliquando fuit Petri [fabri filii Thur]berni quod est inter terram Ade Payn ex parte occi[dentali et ter]ram Henrici Kelp ex altera parte orientali scilicet [aulam] lapide coopertam et cellarium cum solario lapide co[operto et a]liam domum stramine coopertam cum curia adia[cente te]nendum et habend sibi et heredibus suis in perpetuum libere quiete et integre reddendo inde annuatim dictis Abbati et Conuentui triginta solidos ad quatuor anni terminos scilicet pro omni seruicio exaccione et demanda Idem autem Simon pro se et heredibus suis o[bligauit dictis] Abbati et Conuentui totam terram suam quam tenent [de hospita]li sancti Iohannis que terra est in parochia sancti Michaelis ad [portam] aquilonarem Oxon[] ad ingrediendum et namiandum quousque dictus redditus triginta solidorum eisdem Abbati et Conuentui ad terminos prenominatos plenarie persoluatur [nec] licebit dicto Simoni uel heredibus eius dictum mesuagium alicui uendere uel alienare uel inuadiare [nec aliquo] modo obligare quominus dictus redditus ad terminos statutos prefatis persoluatur Canonicis Idem [autem Abbas] et successores sui prefate domus de Oseneya mesuagium cum pertinentiis dicto Simoni [etc] Pro hac autem concessione [etc] dedit predictus Simon dicto Abbati et Conuentui unam marcam in gersumam Et ut [etc]

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.