Hec est conuentio facta inter dominum Ricardum Abbatum et Conuentum Osen ex una parte et Osbertum cirotecarium ex altera uidelicet quod cum idem Osbertus detentor esset annue pensionis sue ad summam xii solidorum et mota esset lis inter eos super eo per breue domini Regis de iustificando tandem conuenit inter partes quod predictus Osbertus obligauit se et domum suam que est in parochia sancte Mildrithe Oxonie predictis Abbati et Conuentui pro se et heredibus suis de consensu uxoris sue ad solutionem vi solidorum annuorum per quatuor annos continue sequentes post confectionem huius cyrographi in quatuor anni terminis soluendorum uidelicet [...] scilicet quolibet termino ix d pro consueta pensione et ix d pro reragio detento Quod si in aliquo termino predictorum quatuor annorum a solutione prefata cessauerit dedit potestatem et libertatem prefatis Abbati et Conuentui seisiandi predictam domum suam et totum tenementum quod de eis tenuit tenend et habend ipsis Canonicis donec inde plene perceperint uniuersa reragia sua Et cum nichil amplius soluendum remanserit redibit prefatum tenementum ad prenominatum Osbertum et heredes ipsius ita tamen quod deinceps solitam pensionem trium solidorum predictis Canonicis fideliter annuatim persoluant statutis terminis In huius rei testimonium parti cyrographi que remanebit penes Canonicos sigillum suum apposuit prenominatus Osbertus reliqua parte penes ipsum remanente Acta sunt hec feria vi ebdomade secunde quadragesime anno ab incarnatione domini m cc xxvii hiis testibus Iohanne Padi tunc maiore Oxon Roberto Owein Philippo Molendinario Petro filio Thoraldi et Iordano Rufo tunc prepositis Iohanne le Tailur Henrico molendinario Angero clerico et multis aliis

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.