Notum sit [...] quod ita conuenit inter Abbatem et Conuentum Oseneye ex una parte et dominum Uiuianum de Brahy ex altera quod quando et quotienscunque opus fuerit ad communem utilitatem utriusque partis exhibebuntur eidem Uiuiano et heredibus suis et assignatis suis ille tres carte quas Walterus Folioth et Radulfus filius Roberti et Alitia quondam uxor eiusdem Radulfi in uiduitate existens eidem Uiuiano fecerunt de terra et edifitiis que quondam fuerunt Iohannis Norwicensis episcopi in parochia sancti Petri orientalis Oxon quas scilicet cartas idem Uiuianus dictis Abbati et Conuentui in perpetuum concessit tradidit et liberauit quando dictam terram et edifitia eisdem per cartam dedit ita scilicet quod dicte carte statim ad mandatum predictorum Abbatis et Conuentus sine more dispendio et contradictione aliqua eis a dicto Uiuiano uel heredibus uel assignatis suis fideliter restituentur Confecta fuit hec scriptura anno gratie mcc xxx iii feria tercia post festum sancti Iohannis ante portam Latinam In cuius rei testimonium presenti cyrographo sigilla partium altrinsecus sunt appensa Hiis testibus magistro Symone de Waltune Willelmo de la Mare Philippo Molendinario Willelmo de Wintonia Iohanne de Lideford Galfrido de Kenros Guidone filio Radulfi Henrico Purcel Nicholao Nisternon Henrico de Camera Iohanne de Sibeford Ricardo de Caam et multis aliis

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.