Omnibus Cristi fidelibus ad quos presens scriptum peruenerit frater Iohannes prior de Newinton generalis et specialis procurator in Anglia prioris et conuentus de Longauilla salutem in domino sempiternam Ad uniuersitas uestre notitiam uolumus peruenire quod nos dimisimus et concessimus magistro Roberto Botiller rectori ecclesie de Achecote omnes decimas nostras quas habemus in uilla et in campis de Achecote de antiquis dominicis prouenientes quas ad nos spectare manifestum est habendas et tenendas de nobis et successoribus nostris ad firmam eidem Roberto de quinquennio in quinquennium quamdiu dictam ecclesiam de Achecot retinebit reddendo inde nobis uel assignatis nostris nomine eiusdem firme singulis annis apud Newynton die sancte Marie Magdalene novem solidos sterligorum cum protestatione publica quod dictam soluit pecuniam pro prelibatis decimis quas ad firmam de nobis tenet secundam formam supradictam ita quod in singulis solutionibus singulorum annorum nobis uel nostro certo attornato cui fieri debeat solutio eisdem loco et tempore suas tradet litteras sigillo suo sigillatas predictam protestationem continentes in quibus idem magister Robertus predictus recognoscat de nichil iuris possessorii siue petitorii in eisdem decimis habere sed nos et ecclesiam nostram de Longauilla easdem decimas per ipsum fratrem nostrum plene et absolute possidere Et si contingat quod idem prefatus magister Robertus in aliqua solutione facienda dictis loco et termino defecerit eo ipso cadet a firma predicta et licebit nobis prefatas decimas nostras ad opus nostrum integre et pacifice percipere et retinere secundum quod retroactis temporibus consueuimus antequam eandem ecclesiam de Achecote Robertum a prefata ecclesia quocumque modo decedere nor prior de Newynton et procurator de Longauilla supradictus extunc predictas nostras decimas precipiemus et habebimus ut prius nec in aliquo nobis preiudicabitur quod dictas decimas nostras secundum quod dictum est predicto Roberto ad firmam dimisimus Et ut et ad maiorem securitatem sigillum uenerabilis uiri magistri Nicolai officialis archidiaconi Buk parti presenti apponi procurauimus Dat apud Newynton die Lune ante translationem sancti Benedicti anno domini mcc septuagesimo tercio

Source Fulltext: Newington Longeville Charters. H. E. Salter. Oxfordshire Record Society, V.3. Oxfordshire Record Society. Oxford. 1921.