Uniuersis sancte matris ecclesie filiis ad quos presens scriptum peruenerit Rogerus filius Willelmi de Huntingefeld salutem Nouerit uniuersitas uestra me concessisse et hac presenti carta mea confirmasse ecclesie sancte Fidis de Longauilla et monachis ibidem deo seruientibus aduocationem ecclesie de Herlenton imperpetuum quietam de me et heredibus meis ita quod post decessum Hugonis de Bodeksam qui ecclesiam tenuit ego uel heredes mei quandocumque ecclesia uacuauerit imperpetuum eis uel procuratori eorum clericum nostrum idoneum presentabimus et ipsi eundem episcopo Elyensi ad ecclesiam de Herlenton presentabunt sicut suum proprium clericum Predictus autem clericus antequam epsicopo presentetur prenominatis monachis tactis sacrosanctis euangeliis iuramentum prestabit de fidelitate eis obseruanda de eadem ecclesia et de pensione annua xl solidorum statutis terminis persoluenda ad festum sancti Michelis xx s Et ad Pascha xx s et ut pensio xx s de aumento ab episcopo confirmetur ego Rogerus uel heredes mei ad plenum procurabimus quod si forte obtinere non poterimus apud episcopum ego Rogerus uel heredes mei in uilla de Herlentone de redditu nostro xx s qui sunt de augmento predictis monachis assignabimus si predictus clericus eis non reddiderit illos quousque eisdem monachis ego uel heredes mei confirmationem episcopi habere faciamus Omnes etiam decimationes tam mobilium quam immobilium de dominio meo in uilla de Herlentone prouenientes tam de terris quam de essartis quisquis illas coluerit in proprios usus monachorum integre perpetuo remanebunt et tota terra illa quam Rogerus filius Walteri penuit de monachis cum messuagio et homagio integro monachis remanebit sicut unquam liberius et quietius illam tenuerunt Hiis testibus

Source Fulltext: Newington Longeville Charters. H. E. Salter. Oxfordshire Record Society, V.3. Oxfordshire Record Society. Oxford. 1921.