sciant presentes et futuri quod hec est conuentio facta inter priorem et conuentum de Luffeld ex una parte et Henricum de Perie ex altera scilicet quod predictus Henricus concessit et tradidit dictis priori et conuentui de Luffeld minorem assartum suum situm inter maiorem assartum suum ex una parte et inter assartum predictorum prioris et conuentus ex altera et abuttat ad cheminum quod uocatur Wodekespat Tenendum et habendum cum omnibus pertinentiis libere et quiete bene et pacifice a proximo festo sancti Michelis postquam Ricardus comes iter suum arripuit ad terram sanctam ciclo lunari eiusdem anni sexto usque in duodecim annos continue sequentes Predictus uero Henricus et heredes sui predictum assartum cum omnibus pertinentiis predictis priori et conuentui contra omnes homines et feminas warantizabunt defendent et adquietabunt ab omnibus seruitiis secularibus et ab omnibus demandis que ullo modo uel ullo iure ab aliquo uel ab aliqua exigi potuerint Et si forte euenerit quod dictus prior et conuentus de Luild aliquas expensas et dampna pro defectu warantie dicti Henrici uel heredum suorum incurrerint dictum assartum penes priorem et conuentum de Luffeld libere et quiete remanebit quousque dictus Henricus et heredes sui dictas expensas et dampna sepedictis priori et conuentui persoluerunt Et stiendum est quod si dictus Henricus uel heredes sui infra terminum partem assarti uel totum tradere uendere uel inuadiare uel aliquo modo alicui impignorare uoluerunt nemini liceat nisi prefatis priori et conuentui de Luffeld Pro hac autem concessione traditione ac conuentione prefati prior et conuentus dederunt predicto Henrico de Peri duas marcas argenti et vnum quarterum frumenti premanibus Predictum uero assartum predicto Henrico et heredibus suis liberam et quietum post terminum reuertetur warectatum Ad hec omnia fideliter obseruanda predictus Henricus pro se et heredibus suis fide interposita affidauit et obligando se iuredictionem archidiaconis Norhampton uel eius offitialis ut per censuriam ecclesiasticam compellentur si necesse fuerit nec non omni appellationi et exceptioni cuilibet iuris et curie remedio pro se et heredibus suis renuntiauit quantum ad conuentionem inter partes factam infringendam et presenti scripto sigillum suum in testimonium apposuit Hiis testibus domino Iohanne tunc uicario de Norton domino Henrico tunc uicario medietatis ecclesie de Bechampton Willelmo de Clarisuallibus Alfredo de Witlebur Willelmo de Brampteston Iohanne et Henrico fratibus suis Ricardo filio Ernaldi de Selueston Ricardo Chardun Rogero le enginnur Gallido coco et multis aliis

Source Fulltext: Luffield Priory Charters. Gerald Ranking Elvey. Northamptonshire Record Society, V.22 P.1. Northamptonshire Record Society. Jordens (Bucks.). Oxford. 1968.