Hec est finalis concordia facta in curia domini regis apud Westmonasterium in octabis sancti Iohannis baptiste anno regni regis Iohannis xvj coram P Wintoniensi episcopo Simone de Pat[] Iacobo de Poterna Rogero Huscarl[] Ioscelino de Stiuecle iusticiariis et aliis fidelibus domini regis tunc ibi presentibus Inter Adam abbatem de Einesham et Rogerum priorem de Luffeld[] de subiectione domus de Luffeld[] Quam idem abbas clamauit pertinere ad abbatiam de Einesham Et vnde placitum fuit inter eos in eadem curia Scilicet quod predictus abbas remisit et quietum clamauit de se et successoribus suis et conuentui de Luffeld[] inperpetuum totum ius et clamium quod habuit in omnimoda subiectione predicte domus de Luffeld[] tam in spiritualibus quam in temporalibus Et pro hac quieta clamancia et fine et concordia predictus prior concessit eidem abbati decem solidatas redditus in Westmolendino de Wulfrinton[] scilicet illas decem solidatas redditus quas Willelmus filius Hamonis dedit ecclesie de Luffeld[] percipiendas eidem abbati et successoribus suis per manum illius quicunque molendinum illud tenuerit ad duos terminos anni scilicet ad annunciacionem beate Marie quinque solidos et ad festum sancti Michaelis quinque solidos

Source Fulltext: Luffield Priory Charters. Gerald Ranking Elvey. Northamptonshire Record Society, V.22 P.1. Northamptonshire Record Society. Jordens (Bucks.). Oxford. 1968.