Omnibus Christi fidelibus ad quos presens scriptum peruenerit Rogerus Bhyssop Galfridus Sleybrond Alicia et Roesa uxores nostre sorores Rogeri Wastinel filii et heredis Thome Wastinel de Lamburne salutem in domino Nouerit uniuersitas uestra nos ex consensu et assensu ac petitione ipsarum Alicie et Roese uxorum nostrarum concessisse dedisse remississe et omnino in perpetuum pro nobis heredibus et assignatis nostris quietum clamasse dominis illius feodi priori et conuentui de dunmawe totum jus et clamium quod habuimus uel aliquo modo uel aliquo iure habere potuimus in j mesuagio xl iij acris terre ij acris prati cum edificijs ripis aquis piscarijs uijs semitis sepibus fossatis communis libertatibus et liberis consuetudinibus et in vi denariis annui redditus cum homagiis seruiciis fiducijs releuijs escaetis herietis wardis et in omnibus aliis rebus et pertinentiis dicto tenemento ac redditui spectantibus que nos predicti Rogerus et Galfridus habuimus et predicte Alicia et Roesa uxores nostre habuerunt nomine hereditario post decessum predicti Rogeri Wastinel fratris earundem seu que nobis heredibus et assignatis nostris aliquo modo uel iure de predicto t[homa] Wastinel patre uel aliquo predecessore earundem accidere aut euenire possint de tenemento quod predictus Rogerus tenuit de prefatis priore et conuentu in parrochia de lamburne sine aliquo retenemento Ita quod sepedicti Rogerus et Galfridus nec heredes aut assignati nostri seu predicte Alicia et Roesa uxores nostre sorores heredes aut assignati earundem nec aliquis per nos seu pro nobis aut nomine nostro coniunctim aut diuisim nichil iuris uel clamij de cetero in predicto tenemento cum omnimodis rebus et pertinentiis nominatis et non nominatis predictis tenemento ac redditui spectantibus ut supradictum est exigere clamare nec calumpniam imponere aut placitum mouere uel uendicare poterimus in perpetuum Et ut hec nostra concessio donatio remissio et tocius iuris nostri heredum et assignatorum nostrorum omnium et singulorum quieta clamatio rata et stabilis perseueret coram iusticiario domini Rogeri de Banco in octauo sancte trinitatis apud Westmonasterium anno regni regis Edwardi primo resignauimus in perpetuum In cuius rei testimonium presenti carte sigilla nostra apposuimus die et anno supradicto Hiis testibus etc

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.