Sciant presentes et futuri Quod Ego Thomas fluri de schotesham dedi et concessi et hac presenti carta mea confirmaui Hugoni de reynes clerico et cuicumque dare legare uel assignare uoluerit pro homagio et seruicio suo v acras terre mee et dimidiam in uilla de torp scilicet in campo qui uocatur Boilundwong pro v marcis argenti quas michi dedit in Gersummam et Royse uxori mee ij solidos et iacent inter terram Radulfi de tasseburg et terram alani arddegrei et unum caput abutat super pasturam Roberti de hubestune uersus occidentem et aliud capud super terram Willelmi de Ambli que uocatur longelond uersus orientem illi et suis assignatis et heredibus eorum tenend et habend de me et heredibus meis libere et quiete et hereditarie siue plus siue minus habeatur Reddendo inde annuatim michi et heredibus meis vi denarios de censa ad iiij anni terminos scilicet ad festum sancti michaelis iij obolos et ad natiuitatem domini iij obolos et ad pascha iij obolos et ad natiuitatem sancti johannis baptiste iij obolos pro omni seruicio consuetudine et exactione saluo seruicio domini regis scilicet ad scutagium xx solidorum iij denarios et ad plus plus et ad minus minus Et ego thomas et heredes mei warantizabimus predicto hugoni et eius assignatis et eorum heredibus prenominatam terram contra omnes Hiis testibus etc

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.