Nouerint uniuersi presens scriptum uisuri uel audituri quod die dominica proxima ante festum sancti andree apostoli anno regni regis Henrici filii iohannis xl primo talis fuit conuentio facta inter priorem et conuentum de dunmawe ex parte una et rogerum de heg ex parte altera uidelicet quod dictus rogerus concessit pro se et heredibus suis quod ille et heredes sui inuenient quoddam cheminum dictis priori et conuentui in perpetuum uidelicet a capite prati quod uocatur Brandelemers ex parte occidentali usque ad communam que uocatur oldecroft scilicet iuxta grauam dicti rogeri et ante portam eiusdem et per portam que uocatur faldgate ita scilicet quod dicti prior et conuentus uel eorum assignati possint quocienscumque uoluerint et quandocumque per predictum cheminum ire redire equitare ducere cariare et aueria sua fugare omni tempore sine contradictione aliqua uel aliquo impedimento predicti rogeri uel heredum suorum habend et tenend dictum cheminum dictis priori et conuentui libere et quiete in pace honorifice in perpetuum ut dictum est Si contingat dictum rogerum per aueria dictorum prioris et conuentus libere quiete in bladis suis dampnum incurrere uel in herbagio pascendo quod absit dicti prior et conuentus uel eorum assignati per uisum bonorum et legalium hominum uel per sacramentum seruientes dictorum prioris et conuentus qui pro tempore fuerint dictum dampnum dicto rogero uel suis heredibus plenarie restaurabunt Pro hac autem concessione dicti prior et conuentus relaxauerunt et quietum clamauerunt dicto rogero et heredibus suis totum ius et clamium quod unquam habuerunt uel habere potuerunt in ij [abolibus] annui redditus quem quidem redditum de antecessoribus dicti Rogeri accipere solebant Et ad istam conuentionem fideliter obseruandam dictus rogerus fide media se obligauit dicti autem prior et conuentus per robertum clericum filium henrici fide prestita se obligauerunt et ad maiorem securitatem utraque pars alterius scripto ad modum cirographi composito sigillum suum apposuerunt

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.