Omnibus Christi fidelibus presens scriptum uisuris uel audituris frater Johannes humilis [humilis] prior ecclesie sancte marie de dunmawe et eiusdem loci conuentus salutem eternam in domino Nouerit uniuersitas uestra quod nos unanimi assensu et uoluntate tocius capituli nostri pro utilitate et promotione nostra et ecclesie nostre obligamus nos et successores nostros magistro Rogero de Salinges et heredibus suis siue assignatis quod nos teneremur inuenire et assignare perpetuo unum capellanum canonicum qui debet diuina celebrare pro animabus Rogeri predicti Alani Hawsie Walteri Petri et Rogeri et pro omnibus fidelibus singulis diebus usque in finem scilicet in capella sancte marie propter hoc specialiter sita et constructa in curia nostri prioratus de dunmawe coniuncta et assignata in perpetuum ad officium hostilarie quam fecimus fieri sumptibus nostris juxta aulam hospitium uersus magnam cameram a parte orientali dictus canonicus singulis diebus dicet placebo dirige et commendationem pro animabus predictorum et fidelium Et in singulis ebdomadis per omnes dies dominicos missam celebrabit de sancta trinitate et in uno die in qualibet ebdomada missam de sancto spiritu et in omnibus diebus sabbati missam de beata uirgine pro dictarum animarum et fidelium salute Et aliis diebus per singulas Ebdomadas missam specialem pro dictis defunctis et fidelibus scilicet requiem eternam in dicta capella hostilarie et istud officium geret faciet et complebit canonicus qui fuerit ad officium hostilarie deputatus Ita quod ad illud officium diuturnum preterquam ad officium hostilarie et predictum officium complendum et exequendum nullo modo compellatur uel astringatur per nos uel successores nostros Et si contingat dictum Canonicum qui ad hoc fuerit deputatus specialiter per infirmitatem impeditur uel aliam causam necessariam uel probabilem quominus huius modi officium possit adimplere predictum officium per alterum Canonicum capellanum impleri plenarie faciemus quoadusque dictus Canonicus ad predictam deputatus cessante causa necessaria uel probabili per se possit predictum officium adimplere Et inueniemus dicto canonico et in dicta capella omnia necessaria que ad tale officium exiguntur et sine quibus dictum officium minime possit adimpleri simul cum hanc dictam capellam sustinebimus et reficiemus cum opus fuerit sumptibus nostris propriis decenter et honorifice in perpetuum Et ad dicti canonici et dicte capelle sustentationem dedit nobis predictus magister rogerus et assignauit totam terram suam quam emit de Symone de reines in parochia de parua reines circa molendinum quod uocatur le suzinlle in campo qui uocatur suzfeld et in campo proximo uersus domum Symonis de reynes et dictum molendinum de Suzinelle cum stagno et toto prato suo ibidem circa predictum stagnum cum prato de suzfeld et cum pasturis omnibus ibidem existentibus et pratis et terris de Nicholao molendinario coram molendino predicto et circa stagnum predictum cum suis pertinentiis et totam terram que fuit Godefridi pinel in eadem parochia cum omnibus libertatibus ac eysiamentis tam in aquis pascuis pasturis uijs semitis omnibus aliis pertinentibus ad omnia et singula predicta tenementa pertinentibus Faciendo inde dominis feodorum seruicium debitum et consuetum pro ut in cartis a predicto rogero nobis traditis plenius continetur De quibus quidem terris et tenementis preter dicti Capellani et dicte Cappelle sustentationem dabuntur et assignabuntur cuibus canonicis domus nostre de dunmawe singulis annis in perpetuum xij denarios ad uesturam suam de puro incremento ultra portionem hactenus eis constitutam Que quidem pecunia solui debet camerario eorundem Canonicorum annuatim ad festum sancti michaelis per manum seruientis nostri de Salinge sine alteriis quae ad hoc preponemus et hoc fiet sine aliquo defectu sub penis inferius subscriptis Tenemur infra annuatim die obitus dicti magistri rogeri de predictis terris et tenementis dare ad pitanciam canonicorum pitanciarum v solidos et alios v solidos eodem die obitus pro eius anima pauperibus distribuere per manus eleemosynarij uestri qui pro tempore fuerit Et ad maiorem decorationem dicte Capelle preter necessaria et utilia que nos in eadem debemus inuenire et ad aumentationem uesture Calciamentorum predicti Canonici et aliorum suorum necessariorum dedit et assignauit dictus magister rogerus predicte Capelle et Canonico predicto [in eadem] pro tempore desinenti x solidos annui redditus de tenemento petri de frankelein et suorum heredum et assignatorum cum homagiis releuijs et escaetis wardis et omnibus juribus que inde accidere possunt saluo domino [domino] feodi Capitalis redditus vi denarios per annum Ita cum quod de eis x solidos dictis Canonicis disponet et nullus alius hoc specialiter adiecto quod hac occasione ne sibi detrahatur uel diminuatur de portione sua communi tam in uictu quam in uestitu et in omnibus aliis que sine hoc fuissent perceptura ut Canonicus et in obitu cuiuslibet Canonici ad hoc officium deputati de predicto redditu symoni filio symonis de reines et suis heredibus nomine releuij ij solidos soluentur Et quare nobis graue uidebatur quod heredes dicti magistri rogeri siue sui assignati possint pro uoluntate sua ad predictum officium exequendum aliquem presentare propter pericula que nobis inde possint [imminuere] ad supplicationem nostram nobis in hoc deferens concessit quod nos eligere possimus et assignare decedente Canonico uel ob causam nostram necessariam amoto qui ad hec predicta facienda fuerit assignatus unum idoneum de Canonicis nostris uel aliunde dum tamen [m] canonicus affirmatur qui in presencia dicti magistri rogeri uel heredum suorum seu assignatorum uel eorum attornati nominetur et assignetur et sacramentum prebeat corporale ad predictum Officium exequendum et faciendum in forma suprascripta Ita tamen quod unus Canonicus hactenus in ecclesia nostra constitutus per huiusmodi canonicum non minuatur scilicet ita tamen pocius aumentetur Ad hec autem omnia et singula firmiter et fideliter tenend adimplenda et obseruanda obligamus nos et successores nostros et omnia bona ecclesie nostre dicto magistro rogero et heredibus siue assignatis suis sub pena xx solidorum ad quemcumque defectum et in defectu cuiuslibet diei in quo dictum officium impletus non fuerit quod absit sine contradictione eisdem nomine pene siue sui interesse soluendorum subicientes nos sponte et successores nostros et omnia bona ecclesie nostre dicto magistro rogero jurisdictione et cohercioni Officio domini Episcopi londoniensis qui pro tempore fuerit seu cuiuscumque alterius judicis ecclesiastici uel secularis pretoris quem duxerit uel duxerint eligendum quod per summam interdicti et maioris excommunicationis in personas maioris ecclesie nostre quorumcumque contra permissa ueniencium et per aliam quamcumque cohercionem ad omnia supradicta et singula tenend facienda et adimplenda sine strepitu judicis uiso hoc instrumento et scripto nos et successores nostros possit compellere cum pena prescripta similiter dampno interesse et expensis que uel quas dictus rogerus uel heredes sui siue assignati eorum occasione defectus nostri in permissis omnibus et singulis in iure suo persequendo fecerint et sustinuerint Nichilominus et permittimus dare et soluere nomine pene ad fabricam ecclesie sancti pauli londoniensis xx solidos sterlingorum ad quemlibet defectum utraque et quod ad hoc compelli possemus per cohercionem subscriptam renunciantes expresse in hac parte [parte] pro nobis et successoribus nostris omni exceptioni Cauellationi maxime fori priuilegio impetrationi facte et faciende et omni juris remedio quod nobis possit competere uel obici contra hoc instrumentum uel scriptum Et ad huius rei pleniore firmitatem ad predicta omnia et singula firmiter et fideliter tenend implenda in perpetuum nos omnes et singuli inspectis sacrosanctis euangelijs pro nobis et successoribus nostris in pleno capitulo nostro corporale prestitimus sacramentum sanctam materiam jus rei excommunicationis in scriptis [proclamus] promulgauimus sollempniter in omnes illos qui hoc scriptum impedient uel procurabunt impedire procurabimus jus rei hoc factum una cum consilio et auxilio predicti magistri rogeri predictum episcopum Londoniensem et Capitulum sancti pauli londoniensis conferri Et ad perpetuam premissorum memoriam et securitatem et firmitatem in posterum habend presenti scripto sigillum nostrum commune apposuimus Ualete Acta anno gratie m cc sexto v die mercurii post festum sancti luce euangeliste

Source Fulltext: Cartulary of Little Dunmowe Priory. British Library, Harley Ms. 662. Archaeologia Cantiana, V.10. Kent Archaeological Society. 1876.