Haec est finalis concordia facta in curia domini Regis apud Westmonasterium in crastino Sanctae Katerinae anno regni regis Henrici filii regis Johannis nono coram Martino de Pateshille Thoma de Muletune Thoma de Heidene Roberto de Lexyntone Gaufrido le Sauvage justiciariis et aliis domini regis fidelibus tunc ibi praesentibus inter Hugonem abbatem Rameseiae petentem per Johannem de Huntedone positum loco suo ad lucrandum vel perdendum et Robertum de Bevville tenentem de tribus virgatis terrae cum pertinentiis in Waltone unde placitum fuit inter eos in praefata curia scilicet quod praedictus abbas recognovit praedictas tres virgatas terrae cum pertinentiis esse jus ipsius Roberti habend et tenend eidem Roberto et heredibus suis de praedicto abbate et successoribus suis et ecclesia sua de Rameseia inperpetuum Reddendo inde annuatim unam marcam ad duos terminos anni scilicet medietatem ad festum Sancti Michaelis et aliam medietatem ad Pascha pro omni servitio salvo forinseco servitio Et pro hac recognitione fine et concordia idem Robertus remisit et quietum clamavit de se et heredibus suis ipsi abbati et successoribus suis totum jus et clamium quod habuit in advocatione ecclesiae ejusdem villae inperpetuum

Source Fulltext: Cartularium monasterii de Rameseia. W. H. Hart and P. A. Lyons. Rerum Britannicarum Medii Aevi Scriptores, 79. Kraus. Nendeln. 1965.