Omnibus ad quos praesens scriptum pervenerit Willelmus Dei gratia Elyensis episcopus salutem in Domino Noverit universitas vestra nos ratum habuisse et firmum id quod factum est per dilectos et fideles nostros dominum W de Wenlinge Willelmum de Thullewike senescallum et Simonem de Waltone ballivum nostrum attornatos nostros exuna parte et dominum Hugonem abbatem Rameseiae ex altera in forma subscripta Memorandum quod anno gratiae millesimo ducentesimo quinquagesimo sexto die Sabbati proxima post festum Sancti Benedicti ita convenit inter dominum Hugonem abbatem Rameseiae ex una parte et dominum w de Wenlinge Willelmum de Thullewike senescallum domini episcopi Elyensis et Simonem de Waltune ballivum suum de Ely attornatos ejusdem episcopi ex altera quod totus mariscus qui se extendit de Pollynges usque Kekaldre et inde usque Smalaldre et sic usque Echenewerebyth linealiter dividitur in duas medietates equales per Rogerum filium Martini Johannem de Wysebech Radulphum Freman et Nicholaum de Litleport exparte dicti domini episcopi electos et juratos et per Alanum Leuate Willelmum Cut Martinum de Wardeboys et Simonem Plumbe de Wardeboys electos et juratos ex parte domini abbatis praedicti ultra quos tam ex parte domini episcopi quam abbatis electos et juratos erunt magister Johannes de Luterewrthe et Nicholaus Constabularius de Wysebeche magister Johannes de Lyndeseya et dominus Simon de Copmanforde ad modificandum et pacificandum dictos juratos si contentio inter ipsos aliquo modo oriatur Convenit etiam inter partes praefatas quod nihil falcabitur vel asportabitur nec fodietur ab alterutra parte in aliqua parte praedicti marisci quousque dividatur modo praefato et in curia domini regis ratificetur et irrotuletur nec aliquid juris vel possessionis ab alterutra parte praetuxtu dictae divisionis factae vel faciendae anter irrotulationem praedictam poterit clamari vel vendicari scripto autem apud Crawenest super aliis articulis inter partes confecto in suo robore permanente Ad omnia autem et singula praedicta fideliter et sine fraude observanda inventi sunt plegii ex parte episcopi dominus Philippus de Insula dominus Johannes de Walepol et Jordanus de Daventre Ex parte autem abbatis domini W le Moygne Simon de Copmanforde et Robertus de Stivecle Salvo quod dictus dominus episcopus habeat praecipuum et proprium sine divisione quod dictus abbas per sacramentum suum clarum et proprium ipsius episcopi esse recognovit scilicet de Wawefen et mariscum a villa de Benewik usque Weremere versus orientem et polis juxta Weremermuthe versus austrum juxta magnam ripam In cujus rei testimonium dictus abbas et plegii sui scripto penes dictum dominum episcopum remanenti sigilla sua apposuerunt et attornati et plegii episcopi scripto penes abbatem remanenti sigilla sua apposuerunt In cujus rei testimonium praesenti scripto sigillum nostrum fecimus apponi Datum apud Tateringe tertio kalendas Augusti anno gratiae millesimo ducentesimo quinquagesimo sexto

Source Fulltext: Cartularium monasterii de Rameseia. W. H. Hart and P. A. Lyons. Rerum Britannicarum Medii Aevi Scriptores, 79. Kraus. Nendeln. 1965.