Henricus rex Angliae dominus Hyberniae dux Normannieae et Aquitaniae et comes Andegaviae vicecomiti Hantingdoniae et Cantebrigiae salutem Si Hugo Elyensis episcopus fecerit te securum de clamio suo prosequendo tunc summonite per bonos summonitores duodecim liberos et legales homines tam milites quam alios de comitatibus tuis qui nec sunt de feodo praedicti episcopi nec de feodo abbatis Rameseiae quod sint coram dilecto et fideli nostro Rogero de Turkille apud Benewike a die Sancti Dyonisii in quindecim dies parati caramento recognoscere si praefatus episcopus fuit in seysina die et anno quibus transfretavimus in Britanniam habend falcandi adunandi et asportandi roscum in marisco qui se extendit de Pollinges usque Kekaldre et inde usque Smalaldre et inde usque Ethenewerebyth quas metas et quae loca Banleuca abbatiae de Rameseia versus partes illas circumquaque se debent extendere quia nos dicium quod idem abbas praedictam banleucam suam intendit et nititur injuste in praejudicium coronae nostrae dilatare Et summonite per bonos summonitores praedictum abbateri quod tunc sit ibi auditurus illam recognitionem et habeas ibi summonitionem et hoc breve Teste me ipso apud Westmonasterium tricesimo die Septembris anno regni nostri vicesimo octavo Memorandum quod istud breve fuit damnatum per Ranulphum abbatem Rameseiae apud Westmonasterium coram rege et magnatibus in parliamento post festum Sancti Martini anno regni regis Henrici filii regis Johannis vicesimo nono

Source Fulltext: Cartularium monasterii de Rameseia. W. H. Hart and P. A. Lyons. Rerum Britannicarum Medii Aevi Scriptores, 79. Kraus. Nendeln. 1965.