Henricus Rex Anglorum archiepiscopis episcopis abbatibus comitibus justiciariis vicecomitibus et omnibus fidelibus suis de Huntedoneschire salutem Sciatis quia Willelmus de Houctona camerarius meus coram me quiete et libere reddidit Deo et ecclesiae Sancti Benedicti de Rameseia et abbati Waltero et successoribus suis et monachis ibi Deo servientibus manerium de Bradenache cum hyda terrae de Giddyng et cum omni pertinentia quae ad Bradenache pertinet quod manerium erat de jure ipsius ecclesiae Sed Willelmo concessum fuit in vita sua tantum ita quod pro hac redditione Willelmi dedit ei abbas Walterus centum marcas argenti ut nec ipse nec aliquis heres ejus quicquam in eo amodo clamaret Sed quietum ecclesiae praedictae in perpetuum remaneret Quare volo et praecipio quod praedicta ecclesia et abbas manerium illud amodo in pace et libere et quiete teneat cum omnibus libertatibus et consuetudinibus et rebus ei pertinentibus cum soca et saca et tol et theam et infangenethef et cum omnibus aliis libertatibus terrae pertinentibus cum quibus abbas alia dominia sua quietius tenet Hoc quoque Willelmus coram me abbati pepigit quod supra altare Sancti Benedicti quiete reddet cartas omnes et omnes confirmationes quas habet de domo vel tenura illius manerii Testibus Johanne Episcopo Lexoviensi et Episcopo Carliolensi et Roberto de Sigillo et Rogero de Fisc[amp] et r[oberto] comite Gloecestriae et a[lberico] de Ver et r[oberto] de Ver et r[oberto] de Curci et Hugone Bigot et g[alfrido] filio Pagani et g[alfrido] de Magna Villa et Willelmo de Glasto et Roberto Arundel et G de Furnis apud Falesiam

Source Fulltext: Cartularium monasterii de Rameseia. W. H. Hart and P. A. Lyons. Rerum Britannicarum Medii Aevi Scriptores, 79. Kraus. Nendeln. 1965.