Abbas de Rameseye per Willelmum de Meltone attornatum suum sicut continetur in Memorandis de hoc anno decimo tertio inter attornamenta de termino Sancti Hillarii per breve regis irrotulatum in Memorandis de anno quarto decimo regis hujus termino Trinitatis In quo continetur quod rex per cartam suam concessit pro se et heredibus suis praefato abbati de Rameseye et conventui ejusdem loci quod ipsi et successores sui imperpetuum habeant returnum omnium brevium regis et heredum regis ac summonitionum de Scaccario regis et heredum Regis in hundredo de Hyrstyngstan in comitatu Huntingdoniae quod iidem abbas et conventus tenent de rege ad feodi firmam Ita quod nullus vicecomes aut alius ballivus seu minister regis vel heredum regis dictum hundredum ingrediatur ad executiones eorundem brevium et summonitionum seu attachiamentorum de placitis coronae vel aliis quibuscunque aut aliquod officium ibidem faciendum nisi in defectum ipsorum abbatis et conventus et successorum suorum ac ballivorum et ministrorum suorum in hundredo praedicto Et per quod breve rex mandavit baronibus quod eidem abbati aut ballivis suis in hundredo praedicto returna omnium brevium regis et summonitionum de scaccario praedicto in locis hundredi praedicti extra socam de Someresham in qua episcopus Elyensis clamat ipsum et praedecessores suos returna omnium brevium regis et summonitionum hujusmodi per libertatem cartarum regis habuisse et habere debere ante datam cartae praefato abbati inde factae habere permittant et ballivos ipsius abbatis quos idem abbas in hundredo praedicto deputaverit admitti ad hoc ad Scaccarium praedictum eandemque libertatem eidem abbati in aliis locis extra socam praedictam ad idem Scaccarium allocari faciant Salvo jure utrorumque ipsos in hac parte contingente cum ipsi inde loqui voluerint Tenor cujus quidem cartae irrotulatur in Memorandis de anno tertiodecimo inter Recorda de termino Sancti Michaelis Reddunt compotum de sex denariis de exitibus diversis pro vicecomite sicut supra continetur Et dimidia marca de finibus et debitis diversis pro eodem ibidem Summa septem solidi duo denarii Abbas de Rameseye reddit compotum de quater viginti marcis de fine pro confirmatione cujusdam cartae de quibusdam libertatibus ei concessis habend In originaliis de anno duodecimo In thesauro liberatur Et quietus est

Source Fulltext: Cartularium monasterii de Rameseia. W. H. Hart and P. A. Lyons. Rerum Britannicarum Medii Aevi Scriptores, 79. Kraus. Nendeln. 1965.