Sciant presentes et futuri quod ego Robertus de Feugers tradidi ad firmam Galfrido de Wilnhal[] domum meam inter pontes in Covintr[] in qua manere consuevi scilicet domum illam propinquior aque cum pertinentiis suis habendam et tenendam de me et de heredibus meis sibi et heredibus suis libere et quiete et honorifice a Nativitate sancti Johannis Baptiste tercia post translationem beati Thome martyris[] usque ad decem annos sequentes completos pro quatuor marcis argenti quas ipse Galfridus mihi dedit scilicet totam firmam decem annorum premanibus Et ego Robertus et heredes mei warantizabimus predicto Galfrido et heredibus suis predictam domum cum pertinentiis suis per decem annos contra omnes homines et omnes feminas Et totum servitium quod debetur capitalibus dominis de domo illa singulis annis adquietabimus Completis vero decem annis predicta domus cum pertinentiis suis remanebit mihi et heredibus meis sola et quieta ab ipso Galfrido et ab omnibus suis sine omni contradictione Hanc autem conventionem legaliter et sine dolo tenendam utrunque affidavimus In cujus rei testimonium presenti scripto sigillum meum apposui Hiis testibus Willelmo filio Umfridi Johanne filio ejus Swano Parcario Vincentio filio ejus Henrico filio Edredi Willelmo de Franketon[] Thoma Tinctore Hamone filio Jordani Rogero de Cornl[] Roberto Blundo Michaele Tinctore et aliis

Source Fulltext: The Early Records of Medieval Coventry. P. R.Cross. Records of Social and Economic History, New Series 11. British Academy. Oxford University Press. London. 1986.